倫哥火鍋私房菜 (已結業)

一入到去地方好闊落，啲櫈有軟墊坐得好舒服。一坐低就有小食比我地醫下肚仔先。今日有涼拌木耳同埋麻醬豆腐，好開胃。之後上菜都好快！唔使3分鐘個雞煲就上左枱。超香！啲雞肉仲要好鬼滑。最重要係食完有得再追加！之後上嘅刺身都好新鮮！ 我地叫左個椰子雞做湯底打邊爐，啲湯好鮮好清甜！飲左幾碗先開始打邊爐。火鍋海鮮拼盤都好足料！有齊魚蝦蟹同龍躉！啲丸類都唔係一般街邊平價貨！仲要有芝士年糕丸同沙津丸！！好飽好高質好滿足！