醉胡爐 (已搬遷) 新店位置

今日同好耐無見的朋友嚟到柯士甸路打邊爐！留意咗佢好耐今日終於可以一試！同傳統打邊爐唔一樣，一雙枱嘅唔係湯底而係滿滿嘅海鮮鍋！之後店員會來炒熟啲材料，一點火簡直就係一個表演😍睇到我哋個個都目不轉睛！材料非常豐富有花膠，龍蝦，花甲，螺，青口等等！炒熟咗之後就加湯！店員話要飲咗呢個湯先開始加材料打邊爐😋我哋一人一碗海鮮湯，非常鮮甜美味！好足料！之後我哋叫咗幾樣打邊爐嘅料，由不同類型嘅丸同埋餃！而我最鍾意推介嘅就係呢一盤牛肉！有切牛肉咁多個部位！白色嘅脂肪部份都非常好味😍四個人食剛剛好！小菜方面，可以嗌鹹蛋炸魚皮！乾食又得，浸打邊爐食都得😉非常香脆可口你得醉胡爐打邊爐就一定要叫埋酒！🍶我哋叫咗一支sake! 店員用一個好靚嘅冰壺裝住俾我哋🥰我哋揀嘅呢一款非常容易入口，唔會太甜！配襯打邊爐剛剛好！呢度環境非常舒適，地理位置又好，都好近佐敦地鐵站，下次都會再同朋友一齊嚟食😋😋😋😋🍶🥘