有蒸氣 海鮮石鍋專門店 (已結業)

又到月尾出糧嘅日子，今晚就諗住帶媽咪食好西，因為媽咪唔鍾意食熱氣同肥膩嘅嘢，所以今次就決定食蒸氣火鍋。呢間有蒸氣海鮮石鍋專門店見到openrice 好多人讚好，就決定試一試。佢係尖沙咀天文臺道嗰邊，位於寶軒酒店一樓，夠曬隱蔽，而且有獨立卡座位置，私隱度好高，好岩安靜邊食邊傾計。我同媽咪叫左中等價錢牛肉海鮮餐，佢可以選粥底或者湯底，因為驚叫粥會太飽就決定叫黨蔘北芪雞腳排骨湯底，藥材湯夠健康同滋補，岩曬媽咪飲。首先，佢有黑松露蒸蛋，係佢地既招牌之一，見到好似蒸左5-6分鐘左右就食得，夠曬滑再配埋黑松露，好好味。另外，佢仲有好多唔同種類既海鮮，食材非常新鮮。蜆同蟲草花鮑魚係一齊蒸，鮑魚一咬落口都夠曬鮮味，而且都幾彈牙，加埋蟲草花咁食都幾特別。聖子大大隻再配埋粉絲底，食完好滿足。除左海鮮，仲有安格斯牛小排，店員好細心問我地想要幾成熟，再調校時間，我地想要7-8成熟，大約10秒就食得，牛肉味好濃，同埋因爲蒸氣關係，鎖住肉汁，唔會鞋口。最驚喜係手剝墨魚丸，好鮮味仲要好爽口，一份每人有2粒，好好味同媽咪勁快就食完。最精華既就係個藥材湯，所有蒸氣既汁都留曬係湯底到，仲有雞腳同排骨，夠足料，我地兩個都飲