影片
更多
2021-03-20
180 瀏覽
成日見金記冰室 經過見到佢啲菠蘿包 蛋撻已經覺得佢好有傳統茶餐廳嘅風格 同時裝修都有啲懷舊feel一直都想試今日就黎食lunch 餐牌多選擇到揀唔到🙈真係要咩有咩焗飯 炒飯 米缐烏冬 經典常餐 多士 各式麵包都有🤩我個人就鍾意試特別野 所以叫咗個野菌雲耳魚柳泡飯 ($45)雖然等就等得耐咗啲 成10分鐘 不過見佢個樣唔錯 可能係製作需時湯底係忌廉蘑菇湯味 好香 同時又唔太濃或heavy而且可能因為佢係少鹽少糖餐廳 個湯唔會好鹹 味道啱啱好微微帶有黑胡椒味湯底同魚柳超級夾味🐟啲魚柳好大舊 勁足料 仲要有魚味 經過調味已經食唔出雪藏味 另外口感上都好唔錯 少少實實地 唔係一整就散開淋曬嗰隻 仲可以食到一片片魚柳😋白飯份量正常 可能因為浸起湯 感覺上覺得好似唔多咁啲飯已經超級入味 根本就係一個濕版嘅忌廉蘑菇白汁飯🍚只係啲飯本身比較硬身 所以唔會好似食粥咁 亦係佢好食嘅原因🍄除咗蘑菇仲有雲耳同其他款嘅菇 另成個飯食落更有質感 豐富啲冇咁齋-味道果然唔錯 有水準出面好多泡飯都整得唔好食 但係佢整得好味服務態度都幾好 唔會黑面或者好趕急嗰隻環境上 裝修起茶餐廳嚟講算靚 而且望落乾淨 光缐充足 個f
一直都想試
今日就黎食lunch
餐牌多選擇到揀唔到🙈真係要咩有咩
焗飯 炒飯 米缐烏冬 經典常餐 多士 各式麵包都有🤩
我個人就鍾意試特別野 所以叫咗個野菌雲耳魚柳泡飯 ($45)
雖然等就等得耐咗啲 成10分鐘 不過見佢個樣唔錯 可能係製作需時
湯底係忌廉蘑菇湯味 好香 同時又唔太濃或heavy
而且可能因為佢係少鹽少糖餐廳 個湯唔會好鹹 味道啱啱好
微微帶有黑胡椒味
湯底同魚柳超級夾味🐟
啲魚柳好大舊 勁足料 仲要有魚味 經過調味已經食唔出雪藏味
另外口感上都好唔錯 少少實實地 唔係一整就散開淋曬嗰隻 仲可以食到一片片魚柳😋
野菌雲耳魚柳泡飯
$45
3 瀏覽
0 讚好
0 留言
啲飯已經超級入味 根本就係一個濕版嘅忌廉蘑菇白汁飯🍚
只係啲飯本身比較硬身 所以唔會好似食粥咁 亦係佢好食嘅原因
🍄除咗蘑菇仲有雲耳同其他款嘅菇 另成個飯食落更有質感 豐富啲冇咁齋
-
味道果然唔錯 有水準
出面好多泡飯都整得唔好食 但係佢整得好味
服務態度都幾好 唔會黑面或者好趕急嗰隻
環境上 裝修起茶餐廳嚟講算靚 而且望落乾淨 光缐充足 個feel幾好
唯一係啲位比較窄少少 同枱距離有啲太近
CP值高 如果常餐都係$50 有碗粉 有餐包 有2隻煎蛋 有飲品
我依個散叫就$45 飲品半價 我覺得以佢份量咁足料同品質黎講好抵食👍🏻
我估佢其他全部野都會好食 尤其啲炒粉麵飯 好多人叫 碟碟都好大 賣相相當吸引
張貼
