大樹燒烤 (已結業)

餐廳霸佔全層，環境大坐得舒服。食燒烤串最緊要有風味調味足，熱辣辣。所以每枱都有燒熱爐，保暖串燒，又可以打卡。網紅爆汁菬皮($33)，內地好熱門，但係香港第一次見到，超級好食。菬皮少少脆，煙韌口感。內餡有酸豆角、蔬菜粒、蒜等，邊食邊滴汁～大推。豚肉韭菜花卷($28)，冇諗過韭菜燒完，都仲有汁，韭菜爽。連豚肉一齊咬，更香口。鮮烤白鱔($48)，一大長條，肉厚又嫩，魚皮烤過後好焦脆，好重魚油香味。愛魚人士必點。炸雞薯片($38)，雞肉薄切，炸完超脆口，炸皮完全唔膩，真係好似食緊厚身薯片一樣。大大大茄子($38)，大量蒜蓉鋪面，茄子肉厚，多汁，茄子連皮食都冇苦味。甜燒大菠蘿，非常多汁，鮮甜，燒完更甜。檸檬秋刀魚($40)，秋刀香感覺上冇咁多魚油，但肉質脆dd，本身都冇魚腥味，加檸檬汁好開胃。其他串燒類，秘製豬頸肉($18)，厚切肉嫩，唔韌。燒爆汁牛丸($22)，霸王肥腸($18)，外皮脆卜卜，清洗乾淨。燒翠玉瓜，估唔到都仲keep到水份。手打鴨屎香，茶味香濃，見到侍應不斷打壓檸檬、青檸，酸甜口感開胃清新，解膩。整體，食完之後唔會覺得口乾口渴，都唔會覺得好大油煙味。而且環境光亮，慢慢嘆串燒，me