影片
更多
2024-11-08
718 瀏覽
我家嘅架嘰冷話想食潮洲嘢，於是就上網搵下，最後就搵到依間新開嘅潮州菜館，所以就趁去灣仔買嘢嘅時候就拍拖去食個午餐。一打開電梯就見到好多明星合照(感覺自己都高級左好多…哈哈)，除左大堂座位之外，都有幾間廂房，整體感覺都坐得好舒服，唔會有逼夾感。先嚟送上功夫茶同咸菜等我地醒醒胃。我地先叫左兩款蒸點先嚟潮式蝦餃皇，外皮晶瑩剔透，內裡鮮蝦餡料都真材實料，蝦肉彈牙又大大粒，口感非常豐富。潮州蒸粉果嘅外皮同蝦餃一樣晶瑩透薄，內裡餡料同樣好豐富，有韮菜、木耳、花生、豬肉碎、白蘿蔔等，入口非常清新爽口，對於平日唔太愛吃粉果嘅我都覺得非常好味呀！潮州食物又點少得鹵水鵝肝鵝肉，個鹵水好香而且唔會過鹹，而鵝肉同鵝肝都鹵得入晒味。老公話個鵝肉片嘅鵝味好濃，而佢嘅肉質鮮嫩帶有少少鵝油香。鵝肉片已經好好，不過鵝肝對我嚟講就更加吸引，味道甘香而且口感非常粉綿，質地都好嫩滑，完全可以用入口即化，雖然邪惡不過真係食唔停口呀。 當然唔好睇少伴碟嘅炸豆腐，吸收晒鹵水個味之餘仲夠晒嫩滑，可以話係另一亮點。再嚟一人一碗高湯雞燉翅，真材實料得嚟可以話係驚喜之選，湯底雞鮮味濃郁而清甜，完全唔會有油感。翅方面就勁足料，一大排排嘅魚翅
一打開電梯就見到好多明星合照(感覺自己都高級左好多…哈哈)，除左大堂座位之外，都有幾間廂房，整體感覺都坐得好舒服，唔會有逼夾感。
先嚟送上功夫茶同咸菜等我地醒醒胃。
我地先叫左兩款蒸點
先嚟潮式蝦餃皇，外皮晶瑩剔透，內裡鮮蝦餡料都真材實料，蝦肉彈牙又大大粒，口感非常豐富。
潮州蒸粉果嘅外皮同蝦餃一樣晶瑩透薄，內裡餡料同樣好豐富，有韮菜、木耳、花生、豬肉碎、白蘿蔔等，入口非常清新爽口，對於平日唔太愛吃粉果嘅我都覺得非常好味呀！
潮州食物又點少得鹵水鵝肝鵝肉，個鹵水好香而且唔會過鹹，而鵝肉同鵝肝都鹵得入晒味。老公話個鵝肉片嘅鵝味好濃，而佢嘅肉質鮮嫩帶有少少鵝油香。鵝肉片已經好好，不過鵝肝對我嚟講就更加吸引，味道甘香而且口感非常粉綿，質地都好嫩滑，完全可以用入口即化，雖然邪惡不過真係食唔停口呀。 當然唔好睇少伴碟嘅炸豆腐，吸收晒鹵水個味之餘仲夠晒嫩滑，可以話係另一亮點。
再嚟一人一碗高湯雞燉翅，真材實料得嚟可以話係驚喜之選，湯底雞鮮味濃郁而清甜，完全唔會有油感。翅方面就勁足料，一大排排嘅魚翅仲要超彈牙，真係冇得輸，完全係一種食嘅享受。
最後就嚟兩碗潮州特色 清心丸綠豆爽，清心丸口感軟糯，配上粒粒綠豆爽，清甜得嚟又有口感豐富，唔錯。
張貼
