鬍鬚仔 (已結業)

聽講呢間既漢堡好好味，不過青衣我好少去，屯門有就去試下啦。因為肚餓驚等得耐，見到有電話號碼就提早打去落單，店員態度好好～去到餐廳有幾個人排緊隊，到我個陣個餐岩岩出，非常好。我地揀左加勒比海牛堡同埋至尊牛堡，加左一個餐，揀左粗薯條同埋湯。兩個牛堡都好足料，夠Juicy，肉夠厚身，好好食！配菜足，醬汁勁多，不過食到後期會有啲論盡。粗薯條炸得好香脆，仲係熱辣辣，不過可惜個黑松露湯比較稀同淡。下次會試其他野！