MOO MOO Plus (百德新街) (已結業)

朋友想食Burger就介紹我黎呢間一齊食個晚飯，我哋叫左三樣野share。銅鑼堡喜歡食鵝肝既朋友一定要試一試，如果想原汁原味咁品嚐可以同其他配料分開食，鵝肝口感細膩、入口即化，帶一點淡淡的鵝肝香，令人陶醉，好想繼續品嚐。優質安格斯牛肉配上芝士、蕃茄、生菜、漢堡包，配料新鮮，肉質鮮嫩有口感。黑松露沙律醬/香辣薯條薯條新鮮炸起熱辣辣，非常輕微的香辣調味令到薯條好香口，再配埋黑松露沙律醬，簡直係絕配，非常喜歡！雞翼拼盤 (12隻)鹹蛋黃雞翼既雞皮伴隨半凝固狀的鹹蛋黃醬汁，做到流沙既效果。除咗雞皮非常索汁之後，雞肉亦到滲透住香濃既咸蛋黃味。水牛城雞翼，酸酸甜甜非常開胃，我地二個人叫左八隻水牛城雞翼都唔夠食。呢度既水牛城雞翼無出面既咁辣，我覺得幾適合香港人既口味。由於我地叫左十二隻雞翼咁多，如果係外面餐廳用普通碟上既話，相信後面個一半雞翼會凍晒。但呢度有個貼心位就係用鐵板上，食到最後一隻都仲保持到熱辣辣，而且平均來講，雞翼都幾大隻。呢度環境幾好，食物質素高，會再搵機會黎試吓其他野食，仲可以叫番杯啤酒chill chill佢。