影片
更多
2024-01-14
79 瀏覽
天氣凍凍哋，最鍾意同朋友打邊爐，位於天文台道地點方便，仲有泊車優惠，唔使周圍搵位，直接泊入去。「酒鍋」主打高質海鮮火鍋，裝修以深木色為主，樓底高，天花玻璃大吊燈，燈光昏暗好有氣氛，配搭中國宮廷風嘅裝橫，牆上鮮色大壁畫帶點玩味，非常打卡able。有露台戶外座位，設有VIP房，獨立梳化卡座坐得舒服，店員親切有禮。聽住音樂，同朋友無限時慢慢食傾吓偈，好chill。餐廳主打多款特色湯底，今次我哋揀咗「全要二人餐」每樣都有好抵食，好滿足。ღ全要二人餐 (2位起) $388/1位⊛ 黃金美人鍋胡椒豬肚花膠黃金鮮雞湯，一滾起先飲碗頭啖湯，金黃色湯底應該係用咗好多雞去熬製，啖啖雞嘅精華，鮮味濃郁，帶有胡椒香，有紅棗、蔥，豬肚好諗又入味，食極都仲有，湯料完全唔吝嗇，雞同花膠係分開上，等客人可以按喜好調節熟度，都有四份一隻雞，雞件全部都係靚嘅部位，無下欄位，肉質嫩滑，花膠都有好多件，份量十足，飲完都覺得靚咗，個湯底無得輸。⊛ 黑毛和牛 (6片)大大片，油花比例適中，色澤紅潤，涮一涮就最好味，口感軟嫩有嚼勁，牛味濃郁。又可加$98轉安格斯小掛架。⊛ 2人海鮮拼盤全部都好新鮮，而且處理得好乾淨。⊙扇貝~大隻鮮
天氣凍凍哋，最鍾意同朋友打邊爐，位於天文台道地點方便，仲有泊車優惠，唔使周圍搵位，直接泊入去。「酒鍋」主打高質海鮮火鍋，裝修以深木色為主，樓底高，天花玻璃大吊燈，燈光昏暗好有氣氛，配搭中國宮廷風嘅裝橫，牆上鮮色大壁畫帶點玩味，非常打卡able。有露台戶外座位，設有VIP房，獨立梳化卡座坐得舒服，店員親切有禮。聽住音樂，同朋友無限時慢慢食傾吓偈，好chill。
餐廳主打多款特色湯底，今次我哋揀咗「全要二人餐」每樣都有好抵食，好滿足。
胡椒豬肚花膠黃金鮮雞湯
1 瀏覽
0 讚好
0 留言
ღ全要二人餐 (2位起) $388/1位⊛ 黃金美人鍋
胡椒豬肚花膠黃金鮮雞湯，一滾起先飲碗頭啖湯，金黃色湯底應該係用咗好多雞去熬製，啖啖雞嘅精華，鮮味濃郁，帶有胡椒香，有紅棗、蔥，豬肚好諗又入味，食極都仲有，湯料完全唔吝嗇，雞同花膠係分開上，等客人可以按喜好調節熟度，都有四份一隻雞，雞件全部都係靚嘅部位，無下欄位，肉質嫩滑，花膠都有好多件，份量十足，飲完都覺得靚咗，個湯底無得輸。
黑毛和牛
0 瀏覽
0 讚好
0 留言
⊛ 黑毛和牛 (6片)大大片，油花比例適中，色澤紅潤，涮一涮就最好味，口感軟嫩有嚼勁，牛味濃郁。又可加$98轉安格斯小掛架。
2人海鮮拼盤
0 瀏覽
0 讚好
0 留言
⊛ 2人海鮮拼盤全部都好新鮮，而且處理得好乾淨。
⊙扇貝~大隻鮮甜，厚肉彈牙。
⊙蟶子皇~好新鮮，爽口肥美，唔好淥太耐。
⊙海蝦~係俾海棕蝦，比起基圍蝦特別鮮甜爽口。
⊙沙白~肉厚飽滿，海水味濃。
如果想食多啲仲可以用優惠價$268，加細澳龍蝦或者波士頓龍蝦。
黑松露蝦蟹餃、魚皮餃
0 瀏覽
0 讚好
0 留言
⊛ 黑松露蝦蟹餃 (2隻）一咬落去，滿滿黑松露香氣，原隻大蝦爽口彈牙，感覺矜貴，推介之選。
⊛ 魚皮餃 (2隻）餃皮煙韌，入口爆出豬肉餡油脂。
手打芝士蝦丸、手打墨魚丸
3 瀏覽
0 讚好
0 留言
⊛ 手打芝士蝦丸 (2粒）蝦滑味道鮮甜，咬開係流心爆漿芝士餡，濃郁芝士味，口感滿足。
⊛ 手打墨魚丸(2粒）
大粒，墨魚味濃郁，非常爽口彈牙juice。
蜂巢豆腐
2 瀏覽
0 讚好
0 留言
⊛ 蜂巢豆腐(4件）火鍋好伴侶，韌勁口感，好似海綿充滿細孔，吸晒湯汁精華好滋味。
2人蔬菜拼盤
0 瀏覽
0 讚好
0 留言
款式多，有唐生菜、紫生菜、油麥菜、旺菜、南瓜片，珍珠荀、椰菜花，車厘茄。
Cucumber & Lime、Summer Delight
6 瀏覽
0 讚好
0 留言
⊛ Cucumber & Lime $58
新鮮青瓜、青檸加埋甘蔗涼茶，低甜清新又解喝。
⊛ Summer Delight $58
新鮮芒果汁同菠蘿汁，加自家製洋甘菊糖漿，酸酸甜甜，充滿果香，好fresh。
#酒鍋地址：尖沙咀天文台道8號2樓1號舖
張貼
