醉胡爐 (已搬遷) 新店位置

📍尖沙咀 醉胡爐📍最近天氣又轉涼，好想打邊爐🍲。之前留意到呢間醉胡爐好多人推薦，就揀咗呢間試下。首先要大讚佢啲位，我同朋友兩個人嚟食，俾咗間房仔我哋，私隱度極高，已經唔係卡位咁簡單。👍🏻胡椒豬肚花膠雞鍋濃郁嘅湯底煲得好入味😋，好足料，滿滿嘅豬肚、酸菜（好好食！）、腐竹，後加嘅花膠片好大份，雞件嫩滑，果然係高質湯底。👍🏻手切頂級安格斯肥牛呢到嘅肥牛一睇就知唔簡單，同街市買嗰啲爭幾條街。薄切，烚幾秒就食得，有牛味，肥美，夠嫩，正。👍🏻五寶丸五款手工特別口味嘅丸，其中令人感到驚喜嘅係芫茜肉丸&黑松露墨魚丸！👍🏻五寶餃餐廳好貼心，知道有客人鐘意，試不同口味嘅嘢，仲有五寶餃揀。芫茜控表示芫茜餃有100分😊😌😋！👍🏻蔬菜拼盤又係超多款菜💞✅✅✅。