大滿足火鍋冰室

營業中

休息中

近日天氣轉涼，老公話要打邊爐，佢同事推介荃灣一間火鍋放題，食物質素唔錯，價錢公道，今晚就同我過嚟試吓！大滿足火鍋冰室裝潢簡潔，地方都夠大，設火鍋自助區，兩大個雪櫃放滿各式各樣火鍋配料，擺放整齊又乾淨，有海鮮類、肉類、丸類，菇菌類、蔬菜類等。飲品雪櫃內亦放滿啤酒、汽水，更仲有自家製紅豆仙草奶茶和烏龍茶。另外一個雪櫃盛載着五彩繽紛嘅雪糕。湯底有多款選擇，有辣有唔辣，其中有提供雞煲和烤魚，讓大家食完之後加湯後打邊爐。蕃茄味烤魚：大大盆放上枱，開爐滾住食，烤魚厚肉又夠大條，口感鮮嫩多汁，味道酸酸甜甜好開胃。牛肉包澤鮮明，豚肉薄切，兩種肉都係油脂分泌均勻，肉質鮮嫩。海鮮亦好新鮮，三點蟹、海蝦、瀨尿蝦都好鮮味，大蜆夠大隻又冇沙。其他火鍋配料都有質素，鵝腸乾淨冇肥膏，食落非常爽口，鯪魚係手打，鮮甜彈牙，鮮雞件皮爽肉嫩滑，仲有水魷、豬皮、丸類等都係火鍋啊必食。