影片
更多
2022-10-25
43 瀏覽
餐廳位於3樓，環境寬敞舒適，我地被安排坐喺卡位，仲可以望到窗外街景，呢度平時都非常滿座，120分鐘任飲任食，頭盤＋火鍋湯底＋飲品＋甜品，還有幾十款配料供應，唔怪之得長期都爆🈵晩市有五個價錢嘅套餐選擇，由$298至$598之間，今次叫左精選牛肉吃到飽 $298 /位，頭盤有4款可以揀，包括麻辣雞煲、味鮮卜卜蜆、韓式芝士雞煲、老壇酸菜魚，而家期間限定仲有多3款可以加錢升級🚀包括酥皮麻辣芝士雞煲、椰青香茅青檸烤魚，見到好多人都叫酥皮麻辣芝士雞煲，賣相相當吸引，不過我地驚太飽食唔到其他食物，所以就選擇左味鮮卜卜蜆。1️⃣ 味鮮卜卜蜆一上枱俾個份量嚇親，有好多蜆同蝦🦐蜆肉好肥美，而大蝦都好鮮甜，仲加入大量蒜粒和芹菜，湯底非常鮮甜，而且仲有大量粉絲，吸哂啲湯嘅精華，呢個頭盤真係好正👍🏻2️⃣ 野菌冬瓜湯食完雞煲就可以揀湯底打邊爐🍲最終揀左野菌冬瓜湯，餐廳將一大片冬瓜嘅中間挖空，然後放喺中間，入面仲有野菌、杞子做配料，好推介大家飲下啲湯先，非常清新鮮甜😋3️⃣ 美國牛肉大滿貫🥩之後店員就會遞上一盤牛肉拼盤，包括：高級雪花肥牛、美國特選牛舌心、特級牛胸爽、嚴選牛板腱、嚴選牛下肩。所有牛肉都已經薄切好，牛下肩滿佈雪
晩市有五個價錢嘅套餐選擇，由$298至$598之間，今次叫左精選牛肉吃到飽 $298 /位，頭盤有4款可以揀，包括麻辣雞煲、味鮮卜卜蜆、韓式芝士雞煲、老壇酸菜魚，而家期間限定仲有多3款可以加錢升級🚀包括酥皮麻辣芝士雞煲、椰青香茅青檸烤魚，見到好多人都叫酥皮麻辣芝士雞煲，賣相相當吸引，不過我地驚太飽食唔到其他食物，所以就選擇左味鮮卜卜蜆。
1️⃣ 味鮮卜卜蜆
一上枱俾個份量嚇親，有好多蜆同蝦🦐蜆肉好肥美，而大蝦都好鮮甜，仲加入大量蒜粒和芹菜，湯底非常鮮甜，而且仲有大量粉絲，吸哂啲湯嘅精華，呢個頭盤真係好正👍🏻
味鮮卜卜蜆
16 瀏覽
0 讚好
0 留言
2️⃣ 野菌冬瓜湯
食完雞煲就可以揀湯底打邊爐🍲最終揀左野菌冬瓜湯，餐廳將一大片冬瓜嘅中間挖空，然後放喺中間，入面仲有野菌、杞子做配料，好推介大家飲下啲湯先，非常清新鮮甜😋
野菌冬瓜湯
6 瀏覽
0 讚好
0 留言
3️⃣ 美國牛肉大滿貫🥩
之後店員就會遞上一盤牛肉拼盤，包括：高級雪花肥牛、美國特選牛舌心、特級牛胸爽、嚴選牛板腱、嚴選牛下肩。所有牛肉都已經薄切好，牛下肩滿佈雪花，油脂分布好平均，而牛板腱食落就好有質感，牛味好濃郁，所有牛肉都只需輕輕涮幾秒就已經食得，好令人回味🤤
美國牛肉大滿貫
12 瀏覽
0 讚好
0 留言
4️⃣ 其他配料
除左牛肉外，仲有好多其他配料可以用 qr code落單，任點任食，如：日本豚肉五花片、花雕醉雞件🐔嫩滑脘魚片、蟹籽蝦滑、芝士牛肉丸等，當中十分推介芝士牛肉丸，牛味濃之餘，入面仲有滿滿嘅芝士🧀而喺自助區亦有好多配料同小食，有濃汁牛丸、馬啼黑椒貢丸、花枝丸、豆腐卜、響鈴、山根、菇類同蔬菜，應有盡有😄
5️⃣ 飲品
飲品都有好多選擇，餐廳仲設有自家飲品，蜂蜜菊花露、烏梅綠茶、鹹柑桔，開胃又可以清熱當然有汽水等罐裝飲品🧃亦可加錢叫酒精類飲品。
6️⃣ 甜品
鍾意食台式甜品嘅朋友記得留肚，因為餐廳有仙草凍、芋圓，仲有好多其他配料俾你加埋一齊食，包括薏仁、椰果、咋喳、紅豆🫘等，糖水甜度仲可以自己控制，非常有台灣特色。另外，仲有雪糕🍦木桶豆腐花、生果等，真係食到好滿足。
總的來說，呢間餐廳真係十分推介💯可以一次食到火鍋之餘，仲有雞煲、烤魚等，食物種類又多，價錢都好合理，而且特別要讚嘅係店員非常友善，服務殷勤，下次一定會再黎😌
張貼
