星級餐廳

營業中

休息中

昨天和朋友逛澳海城，晚上順道在附近食晚飯，朋友提議食火鍋，我們就到澳利坊食火鍋放題。餐廳座位寬敞，坐得幾舒服。火鍋湯底有好多選擇，有點心大心細，最後選了星馬喇沙湯底，湯底小小辣，好惹味，幾好！海鮮拼盤，蠔超大隻有手掌口那麼大，肉質鮮嫩，煮熟後都不會縮得很小。扇貝都好大隻，夠厚身，入口鮮味美味。海蝦爽口彈牙，整體海鮮都很新鮮。雞煲，可任添，好香好惹味，雞肉能保持嫩滑，不柴，辣度可自己選，汁醬味道調得不錯。芝士焗龍蝦，每位半隻，雖然不是很大隻，但都唔細，芝士香味濃郁，龍蝦肉質彈牙，啖啖肉，好正！牛肉有好幾款，宮崎A5和牛十分嫩滑，入口即溶，油脂較豐富。牛小排脂肪分佈均勻，肉味香濃，口感不錯。牛肩肉亦不錯，整體牛肉質素不錯。鮮吊桶夠新鮮，幾爽脆。墨魚滑都幾有墨魚味，滾熟後好彈牙。有很多特飲選擇，凍蝶豆花洛神茶，藍藍紅紅，色彩吸引，帶微酸，不甜，幾好味。即製甜品他不錯，香蕉朱古力牛角窩夫，朱古力不太甜，最正是現製窩夫，又熱又脆，好美味。