味火鍋 (華僑商業中心)

差唔多20人打邊爐想包房，最後屋企人決定咗去味火鍋，話係無限時喎。 估唔到旺角區都可以有咁大間房比我哋自己一班人慢慢打邊爐。後生嘅一人一份龍蝦打卡影下相，長輩就食酸菜魚同麻辣雞煲happy share下。食到咁上下，侍應就送嚟湯底再加一大盤海鮮同牛肉拼盤比我哋打邊爐。其他野食就要掃qr code order. 嘢食overall好好食， 份量都好多，最正係大大盤海鮮好新鮮，安格斯牛肉拼盤又好正。另外任食野都唔係行貨，有其他任食場少有嘅款式。難怪屋企人要一早訂位啦。最後一人一杯movenpick雪糕，渡過咗好滿足嘅一晚。