影片
更多
2021-09-19
595 瀏覽
阿媽話見到報紙介紹，就同佢嚟試下。由元朗西鐵站行過嚟，大概約10至15分鐘，唔算遠。其實附近都好多食肆，競爭好大。火鍋店位於二樓，唔係一早預約，都未必會注意到。唔好意思因為唔記得影番張單，所以今次冇寫價錢。一行四人，大概平均每人250蚊。除咗火鍋仲有刺身同海鮮食，一入店舖右手邊會見到好大魚缸。座位都闊落，我哋一行四人坐卡位，都算坐得舒適湯底：有驚喜！我哋叫咗椰子雞湯。先講份量，非常大煲，煲底深。都好多雞，真材實料。真係一啲都唔吝嗇。味道非常濃郁，唔好當係湯底咁簡單，真係當佢湯咁飲。唔捨得加水沖淡佢。當然除咗雞同椰子之外，仲有粟米都係非常甜。淨係個湯都值回票價。左手邊係湯底跟嘅雞肉，分量非常多。我哋就一次過倒曬入湯底。右手邊係黑豚肉，雪花均勻，都覺得係優質。安格斯牛肉，值得推介。一樣雪花均勻，有肉味之餘又唔會太羶，都係優質牛肉。醬料方面，開始時侍應放喺枱面，有六款不同嘅醬料（左上）。不過攞完之後侍應會拎走。因為粟米太好味，雖然湯底已經跟埋，但好快就食曬要再點多碟（左下），右手邊魚片都新鮮。響鈴係一定要推介，因為係新鮮即製，非常脆口。我就唔捨得放入湯底，就咁食都好好味。一碟四條，食咗兩條先
由元朗西鐵站行過嚟，大概約10至15分鐘，唔算遠。其實附近都好多食肆，競爭好大。
火鍋店位於二樓，唔係一早預約，都未必會注意到。
唔好意思因為唔記得影番張單，所以今次冇寫價錢。一行四人，大概平均每人250蚊。
除咗火鍋仲有刺身同海鮮食，一入店舖右手邊會見到好大魚缸。
座位都闊落，我哋一行四人坐卡位，都算坐得舒適
湯底：有驚喜！我哋叫咗椰子雞湯。先講份量，非常大煲，煲底深。都好多雞，真材實料。真係一啲都唔吝嗇。味道非常濃郁，唔好當係湯底咁簡單，真係當佢湯咁飲。唔捨得加水沖淡佢。當然除咗雞同椰子之外，仲有粟米都係非常甜。淨係個湯都值回票價。
椰子雞鍋
53 瀏覽
0 讚好
0 留言
左手邊係湯底跟嘅雞肉，分量非常多。我哋就一次過倒曬入湯底。右手邊係黑豚肉，雪花均勻，都覺得係優質。
安格斯牛肉，值得推介。一樣雪花均勻，有肉味之餘又唔會太羶，都係優質牛肉。
安格斯牛
16 瀏覽
0 讚好
0 留言
醬料方面，開始時侍應放喺枱面，有六款不同嘅醬料（左上）。不過攞完之後侍應會拎走。因為粟米太好味，雖然湯底已經跟埋，但好快就食曬要再點多碟（左下），右手邊魚片都新鮮。
響鈴係一定要推介，因為係新鮮即製，非常脆口。我就唔捨得放入湯底，就咁食都好好味。一碟四條，食咗兩條先影相
即炸響鈴
13 瀏覽
0 讚好
0 留言
另外仲有點手打墨魚丸（下）+ 菜餃（上，唔記得個名），都不錯
張貼
