圃鍋 (已結業)

最近去左圃鍋打邊爐🍲，環境幾chill，仲有露天位置，啱啱而家涼涼地嘅天氣喺室外打邊爐🤗前菜有個幾特別嘅凍半熟蛋🥚我地就叫左個花膠鯊魚骨鍋，入面有勁多又大又厚嘅花膠🤤，有半隻雞🐔，仲有鯊魚骨，有豐富嘅骨膠原，可以美顏，啖湯仲好好味添😋叫左個特級和牛拼盤🐂，一隻大船🛳嘅擺盤極具氣勢，和牛有牛味，肉質淋滑，拼盤仲有本地手切牛同牛粒，牛味十足👍🏻叫左個餃子拼盤🥟，有雲吞，水餃，韭菜餃，菜肉餃，每樣兩隻，啱晒兩個人食👯‍♀️鬼馬蝦滑，香口嘅油炸鬼鑲入十分彈牙嘅蝦滑，唔錯呀🦐另外仲野生竹笙同蜂巢豆腐呢兩樣吸味嘢，索哂d雞湯好正呀🤤菜就叫左冰菜同萵筍，冰菜唔係度度都有得食，必叫呀🥬最後仲有個豆腐花味嘅奶凍，特別又好味😋