胡爐 (已結業)

💡高質火鍋最近天氣開始變涼，最岩就係同好友一齊打邊爐，呢間裝修好古色古香，好有中國宮廷風，食物質素高🍽胡椒豬肚花膠雞湯個豬肚花膠湯，真係好足料❤️花膠份量多，足料大大片。雞件都好多，肉質嫩滑得黎仲好大件。第一啖湯非常潤喉，個湯好濃。🍽胡爐牛拼盤（牛舌芯、安格斯手切肥牛、極上手切牛頸脊、牛胸爽、霜降牛粒）🐮賣相夠哂靚，一次過食到不同部位的牛，厚度適中一致，輕輕焯一焯，入口軟腍👍🏻🍽手工丸拼盤個拼盤有梅菜豬肉丸、蟹籽蝦丸、牛骨汁牛丸、手打蝦滑，每種丸都足料同埋入味，每一款都爽口彈牙。🍽餃類拼盤有五款餃子，分別係韭菜餃、黑松露餃、鮮蝦雲吞、芫荽豬肉餃、同埋鳳城水餃。每款都皮薄餡滿🥟，包法亦都唔同，各有特色。🍽日式和風蕃茄沙律估唔到個小食都咁出色，冷凍的蕃茄切成薄片，沾上酸甜的醬汁，酸酸甜甜咁，好開胃。🍽蔬菜拼盤 打邊爐點都要食菜健康下，蔬菜份量唔少而且幾新鮮，種類有幾款，有油麥菜、生菜、娃娃菜、菜心等。新鮮得黎又好食。