熾工房 (已結業)

同2位朋友一行3人去左長洲行一行～ 入到長洲就梗係要搵嘢食～ 我地行到碼頭轉右既盡頭發現左有炸雞舖頭～我地叫左3個餐～ 我哋分別叫做4號6號同8號餐～ 4號餐係單骨炸雞配薯條+飲品～ 單骨炸雞真係好好味～炸雞好香脆～薯條都炸得好香～6號餐係沙律加烤雞+蘋果梳打特飲～沙律同烤雞嘅組合真係幾健康～ 啱晒健康人士～ 烤雞大大件好抵食！8號餐係蘑菇忌廉飯配單骨炸雞+$14蚊轉左檸檬菠蘿特飲～蘑菇幾點飯大大碟好抵食，個忌廉幾香濃～ 仲配埋四件單骨炸雞～抵食又好味～ 估唔到長洲有性價比咁高嘅炸雞小店～ 小店型格裝修簡潔～ 坐得好舒服～ 夏天嘅話冷氣仲好足～ 係長洲行到攰去坐岩岩好