川味雞烤魚大王 (隆亨商場) (已結業)

暫時香港都仲未有得通關，好掛住內地酸菜魚！今次比我搵到大圍嗰間食酸菜魚好好味嘅小店，辣同唔辣都可以任君選擇，選擇多樣，份量足味道佳，值得再回訪。魽魚，酸菜湯底$268因為想同屋企人食所以老少咸宜嘅湯底，酸菜係烤魚中唯一唔辣的湯底，估唔到唔辣都幾出色。而魚肉方面，肉多，少骨，啖啖肉，唔腥，小朋友食都唔怕！配菜方面有酸菜、白蘿蔔、黃豆芽、娃娃菜、豆腐，相當足料！兩個人食完一條魚，啲配料仲可以有成碗！正紅油抄手 $53係店家自家製，皮薄餡靚，選用豬肉餡。有大中小BB辣選擇，今次選了BB辣。雖然睇落好油，其實食落唔濟！幾唔錯檸檬茶26 +芒果沙冰26檸檬茶大大杯，唔苦，清新解膩如果鍾意飲甜啲嘅話，芒果沙冰係一個好選擇。夏天可以飲一杯沙冰，真係透心涼。