珺

營業中

休息中

珺係一間無五辛、無蛋奶嘅素食餐廳，之前黎過high tea，今次就試下佢嘅午市套餐。店員服務態度好好，因為家人唔食得辣，而我又冇留意到宮保金皮酥係辣嘅，其中一位店員知道後好好咁幫我哋換成唔辣嘅薑米橄欖油西蘭花苗。商務二人套餐 ($398)頭盤華爾道夫沙律醬汁類似日式芝麻醬，配料有西芹、蘋果粒、合桃、提子乾、車厘茄。湯野姜甘筍湯味道酸酸哋，薑味唔重。百合洋薏米素湯湯底嘅味道似平時飲嘅粟米豆腐羹，幾好飲。主菜玫瑰叉燒口感好香脆，就算放涼咗仍然保持脆度，食落甜甜哋，似蜜糖嘅甜。薑米橄欖油西蘭花苗宮保金皮酥初頭以為係酥皮整成嘅小食，點知原來係類似煎素魷魚嘅菜式，口感有少少爽。法式紅汁杏鮑菇筆尖意粉番茄醬汁好好食，酸酸甜甜，質感creamy，配料有粟米、椰菜、青豆粒、杏鮑菇等。