燒洒一族 (TKO Gateway東翼)

營業中

休息中

有時懶得煮就會斬料番屋企燒洒一族食物款式都幾多今次叫左豬手、燒腩仔同酒醉系列返去食▪️德式燒豬手 $88豬手份量都幾多 層皮烤到脆卜卜 內裡肉質嫩滑又入味 咬落有肉汁味道真係唔錯 幾香口同時附上芥末醬 想重口味既再點埋食更惹味▪️自家制燒腩仔 $48每件斬到大小適中 燒腩仔精華所在就係塊豬皮 外皮勁香脆肉質夠腍 肥瘦適中 咸香味十足 仲有芥末醬點▪️酒醉溏心蛋 $30醬汁酒味好香 整得好入味成隻蛋都食到酒香味 蛋黃呈半熟狀態 口感一流▪️酒醉雞翼尖 $30份量都幾多 每隻雞翼尖都索盡醬汁 正!