黑木 (已結業)

今晚想出街食飯，去尖咀吹下海風望下海景發呆之後就上openrice揾食。結果見到呢間食評唔錯就試下。溫泉玉子沙律 78hkd點左呢個作頭盤，都幾唔錯。簡簡單單，為之後嘅肉打打底。安格欺牛扒 168hkd好味，有重嘅牛味，呢度燒牛幾得。燒銀雪 138hkd又香又滑，塊皮都燒得好香脆，我好鐘意！A4和牛串 160hkd有三舊，係唔平但值得。好香，入口有即溶既感覺。肉同脂肪分佈好，咬落啲汁即刻爆出黎，好正。店細細，但嗰晚去都滿座，下次塊係book定位好啲。