石一燒 (九龍城) (已結業)

出開9龍城，男朋友話想食燒牛，之前去過大角咀分店覺得唔錯，，所以今次同佢黎呢間石一燒分店。店舖唔係太大，但裝修睇落舒服。我地點左個極上和牛盛會，望落好豐富😍沙律及櫻花蝦味噌湯味噌湯加上櫻花蝦，感覺變得高級左😆特別芳香。沙律大大碟，好fresh 好開胃。前菜 （三品）有炸魷魚，帶子裙邊，同埋炸牛蒡，炸物新鮮即炸，熱辣辣同埋好脆口。而帶子裙邊爽滑味美，口感彈牙。主角出場! 就禁望已經感受到美味 ，油脂紋理分明,睇見都流口水🤤店員服務好好，佢教我地食既次序同新出左雞肉燒，比左d我地試😍😍好好呀 ！澳洲和牛封門柳大大塊厚切，肉質柔軟但同時帶咬勁，濃濃既肉汁味，加上海鹽及小小胡椒，非常惹味。日本九州a4和牛上前腿肉色澤鮮明，脂肪分布平均，油膩感較三角胸低，燒後加小許鹽調味，肉質嫩腍，非常juicy好吃。日本九州a4和牛三角胸呢塊肉眼油脂分佈非常靚，輕輕一燒，差唔多做到入口即溶感覺，非常滋味。雞肉雞肉燒既時間會耐小小，但配上店家自製嘅芝士醬汁，好好食！日式甜品自製綠茶雪糕，食得又玩得😝將綠茶粉加食用水，慢慢攪拌，再倒落雪糕。