和牛燒肉一郎 (新都城中心二期) (已結業)

📍和牛燒肉一郎（將軍澳）終於黎左呢間燒肉店試吓🤭有5款套餐選擇 我地簡左c餐😋可以食到黑毛和牛座位夠闊落坐得舒服 餐廳仲好貼心有圍裙提供 是日寶箱-和牛西冷 仲有啲金箔鋪面做點綴店員會幫你燒埋 入口好有油脂感 又juicy~~呢到有全港首創嘅「燒肉新幹線」智能化送餐～衛生又方便 音樂響起就禁制拎野食啦😂燒肉都幾高質素～個人最中意和牛里脊肉 肉質鮮嫩 每種肉類黎到都會有名牌 想再叫果陣唔驚叫錯🤭比較特別有灸燒生牛肉他他都幾出色 諗起都想食多碗🤭肉質軟淋 又有灸燒既香味海鮮食左廣島蠔 蒜蓉蝦 青口 蒜蓉牛油帆立貝、黑松露牛油帆立貝 都唔錯真係好多選擇 仲有炸物可以食 黑松露薯條勁正 好香口好脆 可樂餅都好好食 炸物即叫即炸熱辣辣明太子薯仔沙律幾好食咸咸地～佢呢到啲醬係自己手機落單的 我叫左沙嗲醬 幾惹味🤪餐廳仲有沙律供應 爆谷 棉花糖都有🤭仲有日本品牌雪條同自家製甜品食 食到捧住個肚走 cookiencream雪條好好食！