德家日式燒肉店 (已結業)

朋友話旺角有間日式烤肉鋪做緊優惠，只要個名有「德、興、家」啲三個嘅同音字2個，就可以free一餐，個fd又真係有呢兩個字。 我哋食嘅係C餐，包左刺身、安格斯拼盤、海鮮盛，仲有燒肉任食。我鍾意去呢度除咗汽水之外仲有茶揀，啱曬唔鐘意飲汽水嘅我。我就揀左佢個蜜桃烏龍茶，入口茶味唔濃後有淡淡嘅蜜桃味，好清新。刺身拼盤。刺身拼盤有三文魚、甜蝦、帶子、螺肉同貝肉。份量唔算多，都係過下口癮。三文魚厚切，帶子好鮮甜。不過出面仲有其他冷盤可以食，唔夠嘅仲可以去食凍蝦。海鮮盛。海鮮有鮑魚、大蝦、帶子、甲羅燒等。店員好細心咁講解每種海鮮要點燒同燒幾耐。鮑魚好大隻，咬落去唔會太老，跟店員嘅指示燒啱啱好。甲羅燒就好足料，有鵪鶉蛋同蟹籽，一啖落去好滿足。安格斯拼盤。拼盤有5種肉，包括有牛小扒、牛舌等。一啖咬落牛舌到，有小小爽口小小油，好重牛味。牛小扒入口即融，真係好好好味。骰子牛外脆內軟，出面燶燶地入面啱啱好！另外仲有其他任食可以揀，我覺得個海鮮粥就好好食！