鴨大哥 (太古坊)

營業中

休息中

位於太古坊商業區嘅鴨大哥裝修非常典雅氣派，燈光柔和，餐桌間闊落非常好坐，適合家庭聚餐或者請客食飯。呢度主打北京烤鴨，系由米芝蓮星級名廚「廚魔」梁經倫主理，真係好有水準。北京烤鴨半隻外相吸引，鴨皮烤到酥脆而且富含油脂，同時保留咗鴨肉嫩滑，油香十足，配埋青瓜、大蔥、甜麵醬、肉鬆，再用新鮮滾熱辣嘅餅皮捲起食，點沾甜麵醬，超級好味。雲南黑土豬叉燒，採用雲南黑土豬，肉質鮮嫩，肥瘦適中，夠冧而且好入味，外表微焦，蜜糖香甜味突出，送飯一流！麥香黃金蝦大蝦蝦肉彈牙質素好高，咸蛋黃惹味邪惡，充滿麥香。茶位(菊花茶)💰HKD20/1位菊花清香，入口淡雅花香，好適合配搭烤鴨飲，可以清吓熱氣。