熾工房 (已結業)

講到KFC，一定即刻諗到炸雞同蘑菇飯🙈呢間熾工房就有齊曬呢兩樣嘢，仲要做得好食好多🤩黎到長洲一定要黎試下食！雖然佢由點餐到攞得既時間有啲耐，但係啲雞係即炸即烤既，所以好香好好味！等待係值得既！ 1⃣️原味烤雞套餐（$54）烤雞有兩隻，一隻雞槌一隻雞胸，隻隻都好多肉好香😋餐單上面都寫到明製作時間要15-20分鐘，因為佢地係即叫即烤既關係，食落雞肉仲係好嫩滑，同埋好juicy！  雞既表皮好香，佢係有少少檸檬同埋香草既味，好惹味！啖啖肉好正！  2⃣️蘑菇飯（跟餐+$3）蘑菇飯比起雞更加令我驚喜😳首先佢蘑菇飯既汁同埋蘑菇都比得幾多，絕對唔係好似KFC 咁全部都係汁，蘑菇得幾片。  另外佢呢度既蘑菇汁味道好濃好香，同KFC果種係完全唔同！菇既味好濃好出🍄撈飯食一流！  另外個餐仲有包汽水。