牛牛日式火鍋放題 (海之戀商場) (已結業)

去咗海之戀商場嘅「 牛牛日式火鍋放題」食午市火鍋放題🧡覺得依到無論用餐環境丶服務同埋食物質素都好唔錯👍🏼我哋坐喺見到海嘅卡位，感覺特別正！午市火鍋放題有60或90分鐘用餐時間揀，我比較鍾意慢慢狂擦，揀咗90分鐘👍🏼然後我地揀咗［澳洲產頂級長期穀飼牛］放題餐（每位＄218）依個餐任點嘅肉類除咗有「澳洲穀飼牛」，仲有「美國頂級牛肉」丶「嚴選特級牛肉」丶「綠之草原羊肩肉」同埋「丹麥皇冠豚梅肉」💗澳洲穀飼牛有牛味又滑嫩，羊肩肉我都好鍾意，味濃不羶～用手機QR code落單，點完轉個頭就即刻到👍🏼上菜速度好快，可以食好多round😆湯底一人一鍋，新口味「芫荽魚白鍋」落咗好多芫荽，好香好正！另外揀咗人氣「豆乳鍋」，豆香濃郁👍🏼養顏之選！另外配料以自助形式在雪櫃自取，擺放得非常整齊💗，雪櫃好夠凍，感覺好新鮮👍🏼蔬菜方面有好多選擇，有我好like嘅羽衣甘藍🥬丶紫准山丶台式蛋餃丶萵筍等等靚料⋯飲品選擇都多💗另外雪糕雪條，其中有2款Mövenpick雪糕🤤正喎！