明記麵家

營業中

休息中

係慈雲山長大，呢間牛腩係由細食到大，我覺得係慈雲山最好食嘅牛腩.我黎親都係叫同一樣野，就係牛腩雲呑河粉 + 凍檸茶！呢到嘅牛腩腩汁唔係啲好濃味嘅五香牛腩，食落清清地，食完成碗都唔會覺得好咸。唔知大家口味，我鍾意食有少少肥嘅牛腩，覺得會香啲同無咁乾，好怕食到啲好柴嘅牛腩，所以呢到嘅牛腩好啱我胃口。.呢到嘅雲呑都好正，皮薄饀靚，真係有鮮蝦肉係入面，一啖麵一隻雲呑，啱啱好.一碗雙拼麵加一杯凍飲都唔洗50蚊，非常抵食，所以我有好多個一人晚餐都係係到食