黑木亭居酒屋 (清風街) (已結業)

💡高質特色居酒屋黑木亭一入去就仿於置身於日本一樣，牆上掛滿日本風情壁畫，好有特色，而且食物好多元化，餐廳不時換餐牌，就連日本人都鍾意去的居酒屋🏮🍽 海產細味六杯蠔🦪呢個係餐廳新推出嘅一道菜，蠔肉用cocktail杯裝著，而且仲變幻燈光照著，非常特別。六杯蠔分別有三種唔同味道分別有泰式醬汁、雞尾酒醬汁同柚子醋各兩杯。柚子醋酸酸地好清新及開胃，泰式醬汁就有小小微辣，雞尾酒醬汁都幾特別，帶點微辣😋而蠔肉口感幾滑。🍽廚師發板壽司八貫 🍣由廚師拍板決定時令既食材，個擺款好靚，分別有三文魚、帆立貝、牡丹蝦、三文魚籽、赤身、同北寄貝等等，牡丹蝦大隻得黎夠爽口新鮮，三文魚籽軍艦好滿足，赤身好肥美，油脂感夠豐富。🍢厚切豬頸肉串 厚切既豬頸肉爽口彈牙，表面微鹹，味道好夠🍢牛肋串 牛味好重，夠juicy🍢豚肉包雞脾菇 以五花肉薄切包著雞髀菇，燒得金香，多汁軟熟🍢免治雞肉棒雞肉餡混合左雞軟骨增添口感，加埋蛋黃汁就幾juicy 🍢雞股 第一次試，食落又幾香口，唔覺得有腥味🍢明太子雞腿肉 明太子鹹鹹哋，雞腿啖啖肉 🍹北海道士多啤梨牛乳乳酸🍓 甜到岩好，草莓味夠濃，配上清甜嘅士多啤梨粒粒，加上有少少乳酸，好開胃。🍹