影片
更多
2023-01-12
141 瀏覽
Cobber Coffee and Tonys Pastry地址: 觀塘駿業里8號世貿大樓1樓呢一間係朋友推薦去嘅，但係食完我就唔係好推薦大家都嚟食啦，我覺得佢除咗佢嘅甜品係出色之外，其他主食都係平均水準之下。另外我想讚佢哋店員嘅服務態度非常好，食甜品嗰陣時會專登比多幾隻碟我哋，真係有一種西餐嘅感覺，唔似出邊嗰啲扮西餐餐廳咁同一隻碟食到落尾，唔同味道都溝埋一齊。🦀🦀蒜香蟹肉炒意粉 $148呢度係用咗啲比較幼同差嘅意粉，食落去一啲都唔索汁，而且仲好散口感好乾，冇意大利麵嗰一種濕潤嘅口感，另外佢放嗰啲香料都好少，一啲蒜香都食唔到。同埋佢嘅蟹肉都好劣質，一啲味都冇，仲衰過用蟹柳嚟整。成個菜式一尾死鹹，飲咗三杯水都唔解渴，食到我出去觀塘海濱行，成塊面都過敏腫晒。我呢度利申番，我本人冇對任何蟹肉敏感，每年都有食蟹都未試過咁樣。🥘🥘蕃茄辣肉丸10粒 $68呢度菜蕃茄味都算濃郁，個面有啲cream，成個醬汁食落都香口嘅，但係呢佢啲豬肉就好有問題，頭果五六粒都仲可以俾啲蕃茄味冚到，但係去到最尾三四粒呢，因為個味覺已經習慣咗浸濃汁味，豬肉嗰陣苦味開始出咗嚟，雖然未到話臭，但係究竟佢點樣調味先可以整到咁苦
地址: 觀塘駿業里8號世貿大樓1樓
呢一間係朋友推薦去嘅，但係食完我就唔係好推薦大家都嚟食啦，我覺得佢除咗佢嘅甜品係出色之外，其他主食都係平均水準之下。另外我想讚佢哋店員嘅服務態度非常好，食甜品嗰陣時會專登比多幾隻碟我哋，真係有一種西餐嘅感覺，唔似出邊嗰啲扮西餐餐廳咁同一隻碟食到落尾，唔同味道都溝埋一齊。
🦀🦀蒜香蟹肉炒意粉 $148
呢度係用咗啲比較幼同差嘅意粉，食落去一啲都唔索汁，而且仲好散口感好乾，冇意大利麵嗰一種濕潤嘅口感，另外佢放嗰啲香料都好少，一啲蒜香都食唔到。同埋佢嘅蟹肉都好劣質，一啲味都冇，仲衰過用蟹柳嚟整。成個菜式一尾死鹹，飲咗三杯水都唔解渴，食到我出去觀塘海濱行，成塊面都過敏腫晒。我呢度利申番，我本人冇對任何蟹肉敏感，每年都有食蟹都未試過咁樣。
🥘🥘蕃茄辣肉丸10粒 $68
呢度菜蕃茄味都算濃郁，個面有啲cream，成個醬汁食落都香口嘅，但係呢佢啲豬肉就好有問題，頭果五六粒都仲可以俾啲蕃茄味冚到，但係去到最尾三四粒呢，因為個味覺已經習慣咗浸濃汁味，豬肉嗰陣苦味開始出咗嚟，雖然未到話臭，但係究竟佢點樣調味先可以整到咁苦呢？
🍮🍮意大利芝士熔岩 $98
呢個甜品係成餐飯，唯一值得滿意嘅地方，侍應有特登比幾隻碟我哋用，好抵讚。個甜品又可以拎出去玩IG，食落口又好好味，朱古力嘅味道好香，但係就有啲甜，另外佢啲cream都好順滑，大家如果淨係嚟呢度食甜品我係相當推薦嘅。
🧋🧋Iced Grapefruit-Ade $46
杯嘢飲好啱食嗰啲好鹹嘅嘢，個梳打水好夾個西柚味，我哋叫咗走糖，成杯嘢飲依然好好味，冇因為冇甜味而飲到梳打水嘅苦澀，反而係好重西柚香味。
最後，我重申多次，大家唔好嚟呢度主食，相同價錢去到港島區有更加多好嘅選擇，呢度只係適合嚟食甜品嘅啫。
味道: 2/5
服務: 5/5
環境: 4/5
番兜: 1/5
張貼
