影片
更多
2021-10-05
2509 瀏覽
我好鍾意食麵包甜點之類嘅嘢，一有介紹比較特別嘅，我就會好想去試，常溫一直都想食，但係舖頭真係唔係好就腳，所以今日去開新蒲崗，一定一定要去朝聖，本來一心只係諗住買拿破崙同埋戚風蛋糕，但熟悉我嘅人都知道，是沒有可能的事😂😂😂，睇吓戰績如何👇🏻👇🏻👇🏻▪️原味香草戚風件裝 $13一打開好香蛋味，超級鬆軟濕潤，簡單的味道就是好味，這就是我喜愛的戚風，正在埋怨自己點解買得一件咁少😂▪️蝴蝶酥 $80蝴蝶酥係我最鍾意食嘅甜點之一，呢度嘅蝴蝶酥唔係平$80只有一小包，但牛油香濃，糖充滿焦香，而且極度鬆脆，坊間唔係好多餅店可以做到如此酥脆▪️法式杏仁條 $55呢個下午茶配杯茶一流，面是充滿着焦糖的杏仁夾住酥脆嘅餅底，有着法式甜點甜美嘅味道，鐘意食焦糖杏仁嘅朋友不可以錯過，呢款是咁多款甜點當中比較甜嘅一款▪️荷蘭撻 $20呢個我本身冇諗住買，但係姐姐落力推銷叫我試吓話呢個好好食，我又買咗，因為我好怕好甜嗰啲果醬，冇介紹錯真係好好食，撻底係鬆化，中間嘅蛋糕有好香濃嘅蛋味同埋好鬆軟，cream唔會太甜，重點最頂嘅果醬好好味呀，我對呢款甜點印象完全改觀，未食呢個之前我腦海仍然係停留緊係美心$4一件好難食嘅印像😂⚠️放咗
▪️原味香草戚風件裝 $13
一打開好香蛋味，超級鬆軟濕潤，簡單的味道就是好味，這就是我喜愛的戚風，正在埋怨自己點解買得一件咁少😂
▪️蝴蝶酥 $80
蝴蝶酥係我最鍾意食嘅甜點之一，呢度嘅蝴蝶酥唔係平$80只有一小包，但牛油香濃，糖充滿焦香，而且極度鬆脆，坊間唔係好多餅店可以做到如此酥脆
▪️法式杏仁條 $55
呢個下午茶配杯茶一流，面是充滿着焦糖的杏仁夾住酥脆嘅餅底，有着法式甜點甜美嘅味道，鐘意食焦糖杏仁嘅朋友不可以錯過，呢款是咁多款甜點當中比較甜嘅一款
▪️荷蘭撻 $20
呢個我本身冇諗住買，但係姐姐落力推銷叫我試吓話呢個好好食，我又買咗，因為我好怕好甜嗰啲果醬，冇介紹錯真係好好食，撻底係鬆化，中間嘅蛋糕有好香濃嘅蛋味同埋好鬆軟，cream唔會太甜，重點最頂嘅果醬好好味呀，我對呢款甜點印象完全改觀，未食呢個之前我腦海仍然係停留緊係美心$4一件好難食嘅印像😂
⚠️放咗一晚先食
▪️古法拿破崙 $26
由三層酥皮三層合桃蛋白餅三層牛油忌廉組合而成，逐層逐層po上去，好用時間同心機，而家唔係太多餅店可以做得到，味道方面酥皮超級香脆，合桃蛋白餅充滿住大量合桃，而且奶油唔甜香滑，太好味，食三啖已經冇晒。
⚠️放咗一晚先食
🍪Cookies
▪️巴馬臣芝士杏仁 $55
曲奇面頭見到粒粒芝士同埋杏仁，而且切到好細，但係又唔係碎，所以口感好豐富，芝士味鹹鹹香香，餅底當然係酥脆
▪️黑加倫子夏威夷果仁 $55
用料非常慷慨，鋪滿左黑加倫子同埋果仁，黑加倫子好煙韌唔太甜，好食
▪️伯爵茶 $55
一打開個已經聞到超級香嘅伯爵茶味，味道當然係一樣，呢隻味曲奇口感係實淨小小嘅
▪️米粉巧克力$55
呢個口感好特別，食落去好濃朱古力味，在食到朱古力粒，但係成塊曲奇好快喺口到融化咗，唔知係咪佢個名嘅米粉效果，好得意好好味
💛烘焙嘅世界我不懂太多，但我鍾意食嘅曲奇重點在於味道是否食到原材料嘅味道質素，同埋夠唔夠鬆脆，這裏的曲奇價錢當然亦都唔係平，但你會食得出佢嘅原材料都係高級貨，味道細緻，我超級鍾意芝士同埋夏威夷果仁味💛💛
⚠️另外多謝姐姐請我食咗兩粒糖😍
張貼
