鮨一心 (已結業)

為左食個好既Lunch,今日小女隻身一人黎到由廚師發辦的鮨店，門面不太起眼，俾人低調既感覺。入到去，既緊張又期待，始終個人較少食到甘高質既壽司店。坐底後，便近距離等待著日籍師傅發辦，將最新鮮嘅食材呈現於眼前。師傅略懂廣東話，每道壽司奉上時，都會以半咸半淡廣東話介紹我係咩壽司。師傅每件壽司親力親為，覺得自己滿滿幸福感。💕🍵先黎一杯綠茶暖下個胃，舒服。🌼—————————🌸—————————🌼🍣「10貫壽司廚師發辦午餐」$400🥄茶碗蒸入面有鮮蝦、冬菇、雞肉、白果、三葉芹，口感細滑，美觀又美味。🥢鯛魚白子鯛魚的精囊，口感細膩，濃郁且營養豐富。🍣左口魚咬落既爽又甜，甘甜魚油緩緩滲出，層次豐富。當中的手握飯煙韌有彈性。🍣池魚加左薑蔥，質感爽口鮮甜。🍣柚子甜蝦係我最愛既甜蝦，好肥美，配上清新的柚子芥末，入口帶黏感，很鮮甜。🍣雞魚魚肉厚薄適中，帶甜味，有嚼頭。🍣赤身醬油漬以秘製醬油醃漬，味道鹹中帶甜，赤身不含油脂，口感爽快，魚味香濃。🍣三文魚籽軍艦好新鮮，顏色艷麗， 且粒粒晶瑩通透。🍣石斑腩魚肉較厚，口感堅韌，表層紅色係酸梅，令味道清淡的石斑添新鮮感。🍣帆立貝好大隻肥厚，表層撒上芥末粉，清甜滑溜。