影片
更多
2022-03-21
76 瀏覽
呢排好難得可以同朋友出嚟食飯，當然要搵間多好評嘅餐廳啦。而我今次搵到嘅餐廳係位於銅鑼灣，名為牛極嘅石燒牛肉餐廳。佢嘅位置搭車過嚟都幾方便㗎，對面就係電車站。先講吓個環境先，環境方面其實餐廳都幾有日式嘅感覺，因為餐廳設有一部自動售賣機，比堂食又或者外賣嘅顧客購買想食嘅嘢食，同日本非常相似。同埋餐廳都好貼心咁樣放咗啲圍裙，避免石燒嘅時候啲汁會彈到顧客嘅衫。跟住就來講係嘢食啦，嗰日我同我朋友一共試咗兩款牛肉，分別係180g嘅牛肩排同埋200g嘅牛柳。但係喺講牛肉嘅味道之前，我想先講吓自助區嘅食物。自助區一共提供左三樣嘅食物，分別係珍珠米，沙律菜，同埋日式牛肉湯。首先想講係日式牛肉湯，牛肉湯裝落碗都仲係熱辣辣嘅，好暖胃，而且入邊有好多洋蔥，飲得出碗湯都帶有一啲清甜。而沙律菜方面都做到好新鮮，我都忍唔住再refill多幾次，煮飯個方面，餐廳用嘅珍珠米。如果大家想我返賣相好睇啲，可以加少少芝麻紫菜粉落去。翻返嚟講返我哋嘅主角牛肉啦，先講下個賣相，個人認為個賣相相當靚，熱石嘅凹凸不平令到成幅相更加有質感。而我覺得無論係牛肩排定係牛柳，食落去都好Juice。我建議大家可以唔使煮到太熟，咁我就可以食到牛
先講吓個環境先，環境方面其實餐廳都幾有日式嘅感覺，因為餐廳設有一部自動售賣機，比堂食又或者外賣嘅顧客購買想食嘅嘢食，同日本非常相似。同埋餐廳都好貼心咁樣放咗啲圍裙，避免石燒嘅時候啲汁會彈到顧客嘅衫。
跟住就來講係嘢食啦，嗰日我同我朋友一共試咗兩款牛肉，分別係180g嘅牛肩排同埋200g嘅牛柳。但係喺講牛肉嘅味道之前，我想先講吓自助區嘅食物。自助區一共提供左三樣嘅食物，分別係珍珠米，沙律菜，同埋日式牛肉湯。首先想講係日式牛肉湯，牛肉湯裝落碗都仲係熱辣辣嘅，好暖胃，而且入邊有好多洋蔥，飲得出碗湯都帶有一啲清甜。而沙律菜方面都做到好新鮮，我都忍唔住再refill多幾次，煮飯個方面，餐廳用嘅珍珠米。如果大家想我返賣相好睇啲，可以加少少芝麻紫菜粉落去。
翻返嚟講返我哋嘅主角牛肉啦，先講下個賣相，個人認為個賣相相當靚，熱石嘅凹凸不平令到成幅相更加有質感。而我覺得無論係牛肩排定係牛柳，食落去都好Juice。我建議大家可以唔使煮到太熟，咁我就可以食到牛嘅肉汁。同埋餐廳提供嘅牛肉真係好新鮮，完全食到個鮮味。而我就覺得我嗰日煮嘅熟度啱啱好，可以食到牛肉軟淰嘅口感。同埋大家係燒完之後可以加番啲胡椒同埋鹽再加啲蒜頭，咁口感上嘅層次都會得到豐富。誠意推介大家嚟牛極試吓咁特別嘅石燒美食啦！
張貼
