影片
更多
2024-10-14
55 瀏覽
🍱餐廳：湯煲私房火鍋 🏫地址：上環永樂街1-3號世瑛大廈4樓401室朋友話呢間私房火鍋好到不得了，今日喺上環附近就去試一試，其實都好方便，港鐵上環站E1 出口，步行約2分鐘就到，大廈入口係永和街，呢度真係值得推介，打邊爐最重要嘅兩個元素，即湯底及新鮮食材，佢都做到高質素，果然一試難忘😄～湯底我哋揀咗花膠雞煲湯底，湯底非常濃郁，調味適中，花膠大大件夠淋，雞肉嫩滑，滋補養顏，啲配料例如金華火腿鹹鹹香香的、龍眼肉仲好甜添🥰～魚皮響鈴份量好多呀，兩款都炸得香脆鬆化，熱辣辣的上枱，魚皮一上枱我就即刻食咗幾件，點甜酸醬好夾🤣，其他的係湯度灼幾秒又試吓囉，屬滋味嘅小食👍～頂級本地手切騸牯牛師傅毫不吝嗇，最鍾意佢厚切嘅口感，油脂分布平均，牛味非常濃郁，肉質軟嫩，新鮮美味😃～自家製豬肉丸及竹笙帶子丸真材實料大大粒，兩款都爽口彈牙，其實我都係第一次試竹笙帶子丸，感覺很清新，真係食到粒粒足料嘅帶子，兩款丸又加上我最鍾意食嘅芫荽（有適量加咗喺裏面），好好味😍～ 水晶奶皇包、味噌大根黑豚餃前者金黃色，皮就煙煙靱靱有口感，餡料有流心的奶黃，正😬；後者足料，多到呢……一般火鍋係唔會有這樣的高質素❤️，配搭少少佢哋自家
🏫地址：上環永樂街1-3號世瑛大廈4樓401室
朋友話呢間私房火鍋好到不得了，今日喺上環附近就去試一試，其實都好方便，港鐵上環站E1 出口，步行約2分鐘就到，大廈入口係永和街，呢度真係值得推介，打邊爐最重要嘅兩個元素，即湯底及新鮮食材，佢都做到高質素，果然一試難忘😄
～湯底
我哋揀咗花膠雞煲湯底，湯底非常濃郁，調味適中，花膠大大件夠淋，雞肉嫩滑，滋補養顏，啲配料例如金華火腿鹹鹹香香的、龍眼肉仲好甜添🥰
～魚皮響鈴
份量好多呀，兩款都炸得香脆鬆化，熱辣辣的上枱，魚皮一上枱我就即刻食咗幾件，點甜酸醬好夾🤣，其他的係湯度灼幾秒又試吓囉，屬滋味嘅小食👍
～頂級本地手切騸牯牛
師傅毫不吝嗇，最鍾意佢厚切嘅口感，油脂分布平均，牛味非常濃郁，肉質軟嫩，新鮮美味😃
～自家製豬肉丸及竹笙帶子丸
真材實料大大粒，兩款都爽口彈牙，其實我都係第一次試竹笙帶子丸，感覺很清新，真係食到粒粒足料嘅帶子，兩款丸又加上我最鍾意食嘅芫荽（有適量加咗喺裏面），好好味😍
～ 水晶奶皇包、味噌大根黑豚餃
前者金黃色，皮就煙煙靱靱有口感，餡料有流心的奶黃，正😬；後者足料，多到呢……一般火鍋係唔會有這樣的高質素❤️，配搭少少佢哋自家製嘅醬料來食（蝦皇醬），好滋味😋
～酸梅湯
酸甜度剛剛好，生津止渴，打邊爐飲呢個簡直係絕配❤️
總括來說，呢間私房火鍋湯底和食材都非常高質，可算是香港火鍋界食材天花版，同一般的火鍋連鎖店絕對不同，我會歸類為高質火鍋的首選，試過後好難返轉頭食一般火鍋呢🤣順帶一提，消費滿$1000可以免開瓶費，下次有機會帶支靚酒去同朋友再嘆世界🥰
張貼
