井巷子 by 鋒膳 (已結業)

今晚同朋友食飯，我哋揀咗間米芝蓮嘅餐廳🥸響西環，食川菜嘅😋非常近地鐵站，又近停車場👍🏻雖然係街鋪，但係唔會好嘈🥰門面高雅👍🏻入邊亦都寬敞舒適，店員服務態度好好，今次我哋坐咗個卡位，有大咕臣放背脊，唔會坐到腰痛😆🍴 涼拌泡椒小龍蝦米線🍴比較少米線會係頭盤出現，同埋第一次食凍嘅米線🫠唔算好習慣，但因為湯底搭救，米線同泡椒湯簡直係完美嘅配搭，建議食米線嘅同時都要將湯飲埋！小龍蝦亦不過不失，整個菜有驚喜👍🏻🍴 豆酥烏賊 🍴豆酥即係黃金，主要係用鹹蛋黃整，烏賊好新鮮，爽口，實肉！完全配搭🥹🍴 西班牙向日葵甘栗䐁叉燒 🍴叉燒好稔，而且入味，甜而不膩，叉燒唔算好受，係半肥瘦部份，贊👍🏻🍴 井巷子片皮鴨 🍴係用蘋果木香煙燻，一拎到埋嚟已經聞到浸蘋果木香，另外有方法教你如何正確地包片皮鴨😂比較特別嘅係有金奇異果同哈密瓜配菜，食落去口感清新😄🍴 黑蒜螺頭雪蓮孑燉班骨唐排🍴呢個燉湯好濃味，但飲完會好口渴，黑蒜味比較重，一打開已經聞到螺頭嘅香味，入口有層次感👍🏻🍴 剁椒酸菜酒香黑白切 🍴店員話酸菜係自家製嘅，的確係好好食，唔會過酸，亦唔會過咸，黑白切嘅意思即係包括有肥腸及肉絲，再加上辣椒籽，整個菜都十分惹味😋