影片
更多
2021-11-03
1064 瀏覽
最近朋友去左半島酒店Staycation兼且試中菜，機會難逄，我亦都一齊去試左依間遠東貴婦嘅經典傳奇中菜!-米芝連一星中菜 嘉麟樓 -提起嘉麟樓，應該大家最深印像莫過個個都係中秋視為送禮自用都出哂名嘅半島奶皇月餅，依個月餅就係由嘉麟樓嘅前主廚葉永華師傅發明，亦令嘉麟樓更加聲名大噪。時間黎到晚上7點幾，步入雍容華貴嘅半島酒店，隨即上電梯黎到今日晚飯嘅地方，映入眼廉嘅嘉麟樓就彷似保留左以前電視場面大上海式既裝修，而我地身處於一間歐陸式酒店入面，有少少令人錯覺以為去左另一個平行時空。- 我地今日被安排左坐上樓上，侍應服務貼心有禮，配得起半島酒店同米芝連餐廳嘅服務水平，同行友人因為Staycation已包左套餐，我就點左嘉麟樓嘅Tasting Menu($698/1)-1.琥珀合桃4.5/5不得不特別一下嘉麟樓依個半島嘅特色餐前小食，合桃粒粒分明，金黃鬆脆，配上甘香芝麻同蜜糖，好食到停唔到口，我地更加忍唔住同侍應追加多一碟添!2. 燒味拼盤(蜜味叉燒/麻香粉皮雞皮/川辣口水雞)3.5/5叉燒中規中距，入口蜜味夠但略嫌唔夠香，正常水準;雞絲粉皮麻醬夠香，幾醒胃;川辣口水雞嫩滑食到有雞味(食雞有雞
-
米芝連一星中菜 嘉麟樓
-
提起嘉麟樓，應該大家最深印像莫過個個都係中秋視為送禮自用都出哂名嘅半島奶皇月餅，依個月餅就係由嘉麟樓嘅前主廚葉永華師傅發明，亦令嘉麟樓更加聲名大噪。時間黎到晚上7點幾，步入雍容華貴嘅半島酒店，隨即上電梯黎到今日晚飯嘅地方，映入眼廉嘅嘉麟樓就彷似保留左以前電視場面大上海式既裝修，而我地身處於一間歐陸式酒店入面，有少少令人錯覺以為去左另一個平行時空。
-
我地今日被安排左坐上樓上，侍應服務貼心有禮，配得起半島酒店同米芝連餐廳嘅服務水平，同行友人因為Staycation已包左套餐，我就點左嘉麟樓嘅Tasting Menu($698/1)
-
1.琥珀合桃
4.5/5
不得不特別一下嘉麟樓依個半島嘅特色餐前小食，合桃粒粒分明，金黃鬆脆，配上甘香芝麻同蜜糖，好食到停唔到口，我地更加忍唔住同侍應追加多一碟添!
2. 燒味拼盤(蜜味叉燒/麻香粉皮雞皮/川辣口水雞)
3.5/5
叉燒中規中距，入口蜜味夠但略嫌唔夠香，正常水準;雞絲粉皮麻醬夠香，幾醒胃;川辣口水雞嫩滑食到有雞味(食雞有雞味係香港黎講其實唔容易)，辣汁偏酸麻唔算辣易入口。
3.生拆花膠魚蓉羹&千絲花膠魚肚羹
3.75/5
兩個湯羹都水準之上，生拆花膠魚蓉羹啖啖都係湯料，非常滋味，千絲花膠魚肚羹都好足料，湯頭濃郁，加上啖啖花膠魚肚絲，好滿足!
4.松露珍菌老虎蝦球&乾燒老虎蝦球配窩巴
4/5
今晚兩道套餐都以蝦球作為主菜，松露珍菌老虎蝦球隻隻大蝦都非常飽滿，爽口彈牙，更加要讚係黑松露醬無搶哂蝦球嘅鮮味，配搭得非常好!另一道乾燒老虎蝦球配窩巴亦都非常好味，酸甜醬配上大蝦再連同爽脆窩巴一齊入口，層次分明，入口係滿滿嘅滿足感!
5.法海佛浦團&艇皇元貝皇菜苗
3.5/5
食完主菜，上返一道蔬菜比大家清一清胃口，唔洗太膩，法海佛浦團入口滿足，反而艇皇元貝皇菜苗好有驚喜，係食完之前幾道比較重味嘅菜式之後，依道菜嘅魚湯反而非常清膩。
6.嘉麟樓極品炒飯&頭抽和牛崧藜麥炒飯
4/5
嘉麟樓極品炒飯用小窩保溫，上枱之後仲有微微熱氣散發，唔洗講，炒飯粒粒分明兼且有鑊氣，仲有少少蝦米提鮮，我地一粒飯都無剩以表誠意。另外因為沒有比較沒有傷害，頭抽和牛崧藜麥炒飯只係用普通飯碗，形色上稍遜一籌，但米芝連嘅炒飯亦都唔會馬虎，調味同配料都有落足，都係一個滿意之作。
7.楊枝金露&葛仙米杏仁茶配點心
3/5
最後收尾環節點少得甜品，普遍米芝連中餐都係以楊枝金露同杏仁茶作為甜品，嘉麟樓亦唔例外，但亦唔算太大驚喜，反而嘉麟樓附送嘅點心好出色，入口好鬆脆!
-
總結: 嘉麟樓係香港歷史悠久，作為傳統粵菜經典，無論服務同食物都唔應該令人失望，但今日可能全場都滿座，難免上菜速度稍慢，整個用餐時間接近2.5小時，菜與菜之間嘅間隔差不多20-30分鐘，侍應雖然都有作出跟進，但都稍稍扣左少少分，但食物方面水準好好，而且tasting menu係同類星級中菜黎講性價比算高，屬於可以專程一試嘅餐廳。
149 瀏覽
0 讚好
0 留言
87 瀏覽
0 讚好
0 留言
58 瀏覽
0 讚好
0 留言
48 瀏覽
0 讚好
0 留言
85 瀏覽
0 讚好
0 留言
35 瀏覽
0 讚好
0 留言
張貼
