顏府御膳 (已結業)

喺Cubus嘅餐廳向來高質，今日來到顏府御膳，品嚐一下佢地精緻嘅中菜。琥珀合桃合桃酥脆可口，外層係晶凝嘅麥芽糖，香甜好食又有營。🦢三色素鵝係素色冷盤，腐皮包住萵荀，紅蘿蔔同木耳，整件放落口，口感帶爽，味道清新，唔錯🫶🥚尖椒皮蛋鋪了很多尖椒，好惹味帶辣，我就好鐘意呢個辣度好醒胃。皮蛋軟糯流心，口感Q彈中帶軟，好正😍🐷八珍老薑一口黑豚肉黑豚肉勁爽口，好食。個甜薑汁唔會辣，好香薑味，個汁黏口拉絲，連埋爽口翠玉瓜同蕎頭一齊炒，酸甜醒胃。🥬砂鍋XO醬蝦乾肉碎芥蘭好有鑊氣，上到枱仲滋滋聲，小心燙口又燙手🤭。XO醬好惹味，鹹鮮嘅蝦乾連埋肉碎一齊炒，香氣滲入芥蘭，正！🍚薑米瑤柱蛋白炒飯香氣撲鼻，炒得乾身，粒粒分明，上面有金黃色嘅瑤柱，賣相好吸引，令人忍不住一口一口食不停😙🥢宮廷玉璽玉璽外形好高貴，原來是棗蓉糕，清香煙韌又養顏，作為飯後甜品都唔錯。環境好寧靜舒服，服務員不斷加茶換碟，服務非常貼心，菜式精緻好食，下次會再帶屋企人嚟。