L'AMOUR

慶祝紀念日，但近排比較忙碌不想去太遠，難得屋企附近有間高質抵食內裝適合慶祝的LAMOUR，當然唔再蹝時間搵新餐廳俾自己中伏。今次我地冇join set dinner,簡簡單單散叫幾樣嘢。先來個龍蝦湯，味道依然鮮甜，整體都算中上。頭盤叫咗六件海膽多士，海膽分量等於一板海膽的量，鮮甜油潤。主菜點了鵝肝牛柳及煎鱸魚。鵝肝外脆內軟，比起中環頂級的鐵板燒還要處理得好。牛柳五成熟，恰到好處，師傅輕輕的調味，就能帶出牛肉本身的鮮甜味，足以證明肉嘅質素非常高。鱸魚煎得香脆可口，最正係塊魚皮，直頭有薯片嘅爽脆甜品我哋叫咗朱古力心太軟碟有一球檸檬雪葩。一冷一熱一酸一甜非常搭配。嚟呢度，記得一定要點佢哋自家品牌嘅生啤，有一陣話梅及蒜蓉包蜜糖多士嘅味道，就算女士都好啱飲，今晚我都叫咗兩杯。整體而言，呢度嘅出品係絕對有品質保證。老婆更加提議，下次嚟散叫晒佢所有海膽嘅菜式，包括甜品都要叫佢地嘅海膽雪糕我諗我都係食定膽固醇藥先。