影片
更多
2019-12-10
385 瀏覽
上個星期趁冇咁凍，同朋友book左呢間新新地既日本菜試下。上到去一出𨋢，感覺良好，門口有隻白色陶瓷貓，未入到去餐廳，外面係暗暗地有啲神秘咁，感覺係有少少行低調型格路線。因為一早訂左既吧枱位係餐廳既側面，所以唔係好睇到中間係點，不過新開黎講望入去都幾多人。一坐低侍應姐姐就拎左個籃俾我地放袋，好細心。之後睇睇個menu，lunch set都有十幾款，壽司刺身天婦羅烏冬甚至海膽龍蝦丼都有，對於有選擇困難症既我黎講係極度難揀。一路睇menu一路有侍應姐姐擺餐具，留意到佢既六角形placemat係好睇又好用，靚得黎又可以令啲碟唔會咁容易移位，又加左啲分。睇下睇下揀左成20分鐘我地覺得第一次試既餐廳點都要食個壽司set，另外就再叫左個出面少啲見到而又好似好吸引既龍蝦丼。呢度lunch set都包好多嘢，一開始有前菜同茶碗蒸。個沙律個人覺得係好好食！你食得出佢係新鮮食材，唔係求其俾啲菜你，個汁就酸酸地幾開胃。之後就係壽司set喇，佢個壽司set其實係omakase，坐吧枱睇住師傅整就最開心！我地今日食就有我最鍾意既海膽同拖羅🥰，個海膽係零腥味，拖羅唔係入口即溶就無哂果啲，所以我更鍾意！另外仲有帶子、
上到去一出𨋢，感覺良好，門口有隻白色陶瓷貓，未入到去餐廳，外面係暗暗地有啲神秘咁，感覺係有少少行低調型格路線。因為一早訂左既吧枱位係餐廳既側面，所以唔係好睇到中間係點，不過新開黎講望入去都幾多人。
一坐低侍應姐姐就拎左個籃俾我地放袋，好細心。之後睇睇個menu，lunch set都有十幾款，壽司刺身天婦羅烏冬甚至海膽龍蝦丼都有，對於有選擇困難症既我黎講係極度難揀。一路睇menu一路有侍應姐姐擺餐具，留意到佢既六角形placemat係好睇又好用，靚得黎又可以令啲碟唔會咁容易移位，又加左啲分。睇下睇下揀左成20分鐘我地覺得第一次試既餐廳點都要食個壽司set，另外就再叫左個出面少啲見到而又好似好吸引既龍蝦丼。
前菜、茶碗蒸
8 瀏覽
0 讚好
0 留言
呢度lunch set都包好多嘢，一開始有前菜同茶碗蒸。個沙律個人覺得係好好食！你食得出佢係新鮮食材，唔係求其俾啲菜你，個汁就酸酸地幾開胃。
之後就係壽司set喇，佢個壽司set其實係omakase，坐吧枱睇住師傅整就最開心！
我地今日食就有我最鍾意既海膽同拖羅🥰，個海膽係零腥味，拖羅唔係入口即溶就無哂果啲，所以我更鍾意！另外仲有帶子、牡丹蝦，同埋我覺得好好食好濃魚味既秋刀魚。其實師傅有逐件介紹，不過好心急掛住食已經唔係好記得啲名😅仲有個酸薑我都覺得好出色，同出面既係有啲唔同，我估佢地應該係自己調味。
Premium Sushi Platter
83 瀏覽
0 讚好
0 留言
拖羅
31 瀏覽
0 讚好
0 留言
中間黎左個麵豉湯，之後就到海膽龍蝦丼，喂呀洗唔洗咁靚呀？！成隻龍蝦拆哂肉連膏都幫你分埋但原隻殼上番碟俾你睇，仲要加金箔，啱哂大家相機食先😂 我同朋友都係咁幫佢影沙龍唔捨得食！呢個set真係好睇又好食，龍蝦係鮮甜，啖啖肉，海膽就同壽司set一樣咁正。本來想就咁食碟膏，但侍應姐姐教我地可以用龍蝦點番啲膏食，真係幾好味☺️
海膽龍蝦丼
23 瀏覽
0 讚好
0 留言
食完哂先記得仲有個甜品，可以揀豆腐雪糕同蕨餅，抱住第一次黎梗係盡量試唔同嘢既心態，我地每款嗌左一個。蕨餅係配紅豆醬，煙煙韌韌又唔太甜，我自己就好鍾意。
總括黎講呢個價錢係銅鑼灣我覺得都幾抵，出面既omakase壽司set好多都要400-500，呢度只係300幾，而去到480已經可以食到高質素既海膽龍蝦丼。呢個價錢可能唔係平，但性價比絶對係高。而且成間餐廳感覺好cozy, 由餐廳擺設到師傅侍應都係高級得黎親切舒服，唔會係高檔但令你覺得好拘謹果款。坐我地隔離既兩位客人係食omakase lunch, 師傅都一路同佢地傾計，又同佢地講下老細好鍾意門口隻貓貓專登訂番黎，又叫佢地估下啲食材跟住介紹番，成個experience都好好。如果質素一路keep住，一定會再番黎試其他嘢！
張貼
