食驗室 (D2 Place) (已結業)

喺荔枝角返工真係好方便，除咗可以成日去香工買衫，仲有好多美食，尋日早放工去D2 Place行下街，見到有間外賣店食驗室F.A.T LAB， 下午茶時間好抵食，即刻買兩個餐試試，夜晚唔使煮飯！ 雲上。牛溫泉蛋牛肉飯牛肉好滑好入味，而且牛肉味夠香濃，中間有一隻靈魂溫泉蛋，蛋汁混合白飯一齊食，超好味!下午茶時段一個丼飯加一罐汽水只需42蚊！分量足，男人都一定夠飽！ 韓風幻想曲韓式泡菜豚肉飯小辣泡菜配上半肥瘦豚肉，充滿韓國風味，酸酸辣辣係重口味之選！風火黄金卷 鹹蛋叉燒用鹹蛋叉燒整嘅飯卷，好新鮮嘅組合，叉燒軟淋鹹香味十足，味道好特別，好有港式風味但又似食緊韓式飯卷。 熱帶泰捲 香辣肉碎味道豐富好惹味，有時返工太忙冇時間食飯，食一個方便又好味，下次encore之選！