牛知己 (已結業)

今日去咗同屋企人撐枱腳 揀咗元朗世宙嘅呢間牛知己度打邊爐 餐廳行韓式風格 卡位夠闊落四個人都坐得好舒服 有幾個唔同嘅韓式鍋底 有幾款炸物 雞翼 泡菜等等 都係自助 當然唔少得 飲品 雪糕 甜品等等都係自取最驚喜嘅係竟然會有壽司都係任食 睇個樣唔錯食落正正常常叫咗個澳洲牛板腱海鮮放題 牛板腱肉質紅潤 肥瘦均勻 牛肉味濃郁 而且一啲都唔韌 好食黑豚肉比較肥 冇豬騷味 唔錯海鮮選擇唔多 不過勝在新鮮 有大大隻嘅虎蝦肉質彈牙鮮甜 半殼青口 索曬湯底味道 墨魚仔非常爽口彈牙