金龍冰室 (已結業)

復活節連假係樓下食左間值得推介既冰室。呢間冰室好正，食撈丁唔洗加錢，仲有好多選擇，芝士，甜豉油，燒汁，黑椒汁等等。蔥油雞肶太陽蛋撈丁　甜豉油汁首先雞肶係滷水雞肶，好淋好入味。蔥油亦都比好多，可以用黎撈好多野食。甜豉油就麻麻地，食唔出甜味，不過用蔥油撈丁都好正。太陽蛋煎得好靚仲有兩隻。9/10炸雞肶沙爹牛肉撈丁　芝士汁芝士汁好濃，但差少少先夠撈晒成個麵。炸雞肶係炸子雞個隻炸法，皮香脆肉嫩。雞皮夠味但肉不夠入味。沙爹牛肉唔係平時食開既味道，反而有Ｄ似係＂老干媽＂味道。都幾好味同埋鮮牛肉好淋好重牛味。8/10菠蘿油熱辣辣，個皮好脆，仲有陣陣甜味。牛油都好大舊！ 9/10