影片
更多
2018-11-25
1048 瀏覽
平時如果要食真係好質素嘅牛扒通常一般價錢都要大約$600up一塊，今晚響SOHO試左一間價錢唔貴但係好好質素嘅Steak！😍呢間嘅賣點係明火炭爐烤牛扒，呢種做法係可以鎖住牛扒嘅肉汁，食落仲有陣炭爐嘅煙燻香味👍🏻我最鍾意有啲脂肪位置嘅牛扒所以一定係叫rib eye🤤$388有24oz,一食落口出乎意料之外好味！🤤好香嘅炭燒味，medium rare 控制得啱啱好，塊扒口感一流👍🏻裏面都好tender但又唔係好林嗰啲,重點係入面仲係鎖住好多肉汁🤤再加埋rib eye嘅脂肪位置，油香十足，每一啖都好滿足！ （簡直啖啖邪惡脂肪擺落口🤣🤭）佢哋都有好多款配牛扒嘅汁俾你揀，揀咗個佢哋話最受歡迎嘅黑松露汁，呢個汁配牛扒非常之夾，而且黑松露味仲好香添！🤤share食半塊簡直覺得唔夠喉添！🤣前菜試咗佢哋個美國生蠔，佢哋呢份蠔有三種做法，兩隻係新鮮生食，兩隻係grill,兩隻係焗，一份試晒三種整法味道，生食果種上面佢哋加咗啲酸酸地嘅汁，好都幾新鮮不過啲汁就蓋過咗蠔嘅鮮味，三款之中我最鍾意grill, 蠔仲係好嫩而且同個汁都好夾👍🏻不過呢個整體來講一般般～佢哋個餐前麵包好好食，熱辣辣攞出黎外脆入面好軟熟，配
前菜試咗佢哋個美國生蠔，佢哋呢份蠔有三種做法，兩隻係新鮮生食，兩隻係grill,兩隻係焗，一份試晒三種整法味道，生食果種上面佢哋加咗啲酸酸地嘅汁，好都幾新鮮不過啲汁就蓋過咗蠔嘅鮮味，三款之中我最鍾意grill, 蠔仲係好嫩而且同個汁都好夾👍🏻不過呢個整體來講一般般～
佢哋個餐前麵包好好食，熱辣辣攞出黎外脆入面好軟熟，配埋佢嗰個牛油醬一齊食好好味！😋
食完主菜又點可以冇甜品😍兩個甜品都係好味！首先有我最愛嘅carrot cake🥕,呢個蛋糕口感比較實同濕潤，配埋個鮮忌廉同埋雲呢拿雪糕一齊食，吾錯！😋另外叫左chocolate brownie ，朱古力朱古力味幾濃唔會太甜，又唔會好實嘅口感，配埋個可以唔焦糖雪糕一齊，好好昧！🤤
總括來講呢度嘅牛扒真係幾有驚喜👍🏻 雖然質素當然完全未及我最鍾意嘅Ruth Chris 😬不過如果以呢個價錢來講就絕對係好高質素啦！下次想食有質素既扒又多咗一個抵食選擇～😬
張貼
