影片
更多
2019-08-17
80 瀏覽
是日約咗一個好好嘅舊同事出嚟聚舊，由於遷就大家嘅方便，最後都係決定喺荃灣度食飯，之前印象記得荃灣千色匯嗰邊有一間火鍋放題，座位都幾闊落，啱曬我哋呢啲想坐得舒舒服服傾下偈嘅人去。一如以往，餐廳嘅門口亦都非常之和風，擺放咗好多假櫻花同埋許願木版。先揀個湯底，我哋揀一個牛乳牛骨湯底，聞落係幾香牛奶味嘅，湯底仲有幾嚿類似牛腩嘅東西，十分足料。一坐低，我哋諗住食好啲，所以就揀咗298嘅套餐。呢個套餐非常豐富，不單止有和牛，仲有美國肥牛，羊肉等等。一上菜嘅時候分量非常之多，多到我哋都嚇咗一跳，我哋一男一女嘅食量根本就食唔曬咁多嘢。其中和牛係特別大盒嘅，食落去肉質都係非常滑同淋嘅，亦完全唔覺得佢肥膩。由於肉類一上就有幾盒，都唔係太分辨邊種肉係邊種肉，整體質素都係唔錯嘅。298嘅套餐可以免費有刺身食，噉我哋都隨量叫咗些少。三文魚同帶子都幾新鮮，甜蝦亦都夠細滑，北寄貝亦都幾好咬口。298套餐另一個賣點就係附送海鮮拼盤，有墨魚仔，青口，海蝦，蟹棒等等。印象較深刻就係串串墨魚仔，份量都幾多，而且食落幾煙韌，唔錯唔錯。自取部分有唔同嘅丸類同埋蔬菜類，款式都算幾多。另外呢度可以比大家自己整天婦羅嚟食，喺呢度嘅賣
是日約咗一個好好嘅舊同事出嚟聚舊，由於遷就大家嘅方便，最後都係決定喺荃灣度食飯，之前印象記得荃灣千色匯嗰邊有一間火鍋放題，座位都幾闊落，啱曬我哋呢啲想坐得舒舒服服傾下偈嘅人去。
一如以往，餐廳嘅門口亦都非常之和風，擺放咗好多假櫻花同埋許願木版。
先揀個湯底，我哋揀一個牛乳牛骨湯底，聞落係幾香牛奶味嘅，湯底仲有幾嚿類似牛腩嘅東西，十分足料。
一坐低，我哋諗住食好啲，所以就揀咗298嘅套餐。呢個套餐非常豐富，不單止有和牛，仲有美國肥牛，羊肉等等。一上菜嘅時候分量非常之多，多到我哋都嚇咗一跳，我哋一男一女嘅食量根本就食唔曬咁多嘢。其中和牛係特別大盒嘅，食落去肉質都係非常滑同淋嘅，亦完全唔覺得佢肥膩。由於肉類一上就有幾盒，都唔係太分辨邊種肉係邊種肉，整體質素都係唔錯嘅。
298嘅套餐可以免費有刺身食，噉我哋都隨量叫咗些少。三文魚同帶子都幾新鮮，甜蝦亦都夠細滑，北寄貝亦都幾好咬口。
298套餐另一個賣點就係附送海鮮拼盤，有墨魚仔，青口，海蝦，蟹棒等等。印象較深刻就係串串墨魚仔，份量都幾多，而且食落幾煙韌，唔錯唔錯。
自取部分有唔同嘅丸類同埋蔬菜類，款式都算幾多。
另外呢度可以比大家自己整天婦羅嚟食，喺呢度嘅賣點之一，可惜我哋食完啲牛肉已經飽曬，冇機會試到佢哋喇。
甜品方面都有雪米糍同雪條等等，質素同款式都係一般正常放題嘅水平啦。飲品方面就非酒精就免費任飲，酒精就好似加多30。
總結，食物質素幾好，重點係坐得舒服嘅放題真係買少見少，值得推薦。
張貼
