幸圓

營業中

休息中

鍾意食各國料理的我上次俾老公帶咗去幸圓試吓，點知嗰度唔單止裝飾靚，可以打卡，食物仲好好食，以下就係上次我和老公去食嘅嘢食，推介俾大家。🧡烤香茅椰青西班牙五花肉🧡老公係一個肉食動物，所以就叫咗呢個烤五花肉。五花肉完美咁呈現咗豐富嘅脂肪同瘦肉層次，外皮酥脆好食，咬落仲多汁。老公好滿意😃💙刺身盛八點💙呢個刺身盛宴係我嘅至愛。三文魚、油甘魚、帆立貝、赤蝦，另外由廚師發辦挑選鮮甜食材。精心嘅擺盤，食材五顏六色，未食已經覺得食慾大增。唔同嘅魚類同海鮮有唔同嘅口感，樣樣都非常新鮮嫩口，食得好滿足。🩶三杯酢廣島蠔🩶另外難以忘懷嘅一道菜，廣島蠔肥美大隻，口感更加鮮美多汁，三杯酢好完美咁提升咗蠔嘅鮮味。❤️燒八爪魚配蒜味味增蛋黃醬❤️老公十分推介嘅一道菜。八爪魚嘅外皮微焦，入面依然保持嫩滑，配埋蛋黃醬，令呢道菜增添咗豐富嘅味道。整體嚟講，呢間餐廳好啱大家嚟打卡用餐。