圃公館 (已結業)

打邊爐就無分四季，但盡量每次都去啲唔同嘅火鍋店，俾啲新鮮感自己。是日約左個朋友食晚飯，佢仲介紹左個新朋友俾我地認識，可能大家都鐘意食，特別好傾，期待下次再一齊去搵食。我地揀左位於灣仔帝盛酒店嘅圃公館，啱啱就喺灣仔銅鑼灣中間，我地落左車都行左一陣先黎到。餐廳環境係中式格局，以圓枱為主，感覺好光猛企理。餐牌既供應火鍋，亦有小菜，不過我地為火鍋而來，就唔多睇有咩小菜食。平日晚上，以呢個位置而言，都有比我想像中多嘅客人，穩陣啲就最好預約啦。醬料：火鍋湯底有基本、傳統嘅豬骨、麻辣等，亦有藥膳雞、海鮮、酸菜魚鍋等，定價$148-368。配料有海鮮、牛、豬、雞、羊、丸、餃、滑、蔬菜、麵食等，選擇多樣，定價中上。不過好老實講，而家好多餐廳打個邊爐都唔平，而家人均三、四百蚊，環境就得體啲。蝦兵蟹將鍋 $288平時冇乜幾何會揀海鮮湯底，唔係太捨得，但今日見呢個鍋幾吸引，價錢唔算貴，加上有幾個人分享，又試一試。上枱以類似乾鍋形式，一鍋兩食，先食鍋底，再加湯打邊爐。鍋底豐富，有蟹、蝦、青口、大花甲等配料，每人都試到啲。雖然蟹就唔算好大隻，但都有啲肉食下。仲有埋花甲，新鮮乾淨冇沙，啖啖肉；蝦就幾隻，都相當新鮮。