Hunger Strike (第三街) (已結業)

今日又落到嚟西營盤食新嘢，自從地鐵開通後，就開咗好多小店，今次就試呢間墨西哥餐廳！店面雖然好似好細，但其實入面有個後花園，而且悉心佈置，可以俾人影相打卡👍🏻而我就同朋友坐窗邊嘅bar枱仔，望下街景，都係唔錯嘅位置！至於食物方面，我同朋友就想試下墨西哥餡餅同烤餅嘅分別，就點咗一個豬頸肉墨西哥烤餅同招牌烤雞肉烤餅，再升級做combo! 店員係即叫即煮，非常新鮮，烤餅同墨西哥餡餅都係熱辣辣，好軟煮嘅口感，再加上啲汁令到成個餅好juicy, 唔會太乾身，配合起上嚟，真係非常惹味，而且豬頸肉口感唔錯，有彈性，雞肉就夠淋身，十分美味，配埋個薯條同汽水，簡直一流！