睿日本料理 (已結業)

申利唔係膳稿。但真心覺得佢係一間10分高質素嘅日本餐廳。啱啱搬來大坑，搵咗呢間日本餐廳食。晚餐只能夠單點，我地點左一個網燒西冷扒，一個鰻魚，幾串串燒，壽司，鵝肝，因為屋企人想食飯，加咗三個白飯同埋兩個大蜆鰹魚湯。因為成間鋪頭只係得我哋一台客，一心諗好驚中伏。等嘅時間都耐，要10至15分鐘，首先講吓個大蜆湯。平時飲開麵豉湯，原來堅魚湯底加埋昆布同埋紫菜同埋大蜆出嚟嘅湯底10分好飲10分鮮甜，熱辣辣好正。跟住個網燒牛扒$188，佢都整得好精緻，旁邊有啲日式沙律，有燒蘑菇，同大概五成熟嘅牛扒，雖然係西冷扒，但師傅整到個牛扒好嫩滑，加埋啲日式乾蒜片好好味。再上左一個鰻魚，冇諗過鰻魚下面有一層層嘅玉子，味道唔錯，覺得佢好精緻，有驚喜。再叫咗兩舊壽司-深海池魚同埋三文魚子，超級厚切池魚，魚生十分鮮甜好好味！點了燒雞翼，雞軟骨，同埋白鱔。燒雞翼個皮好趣，都唔錯，白鱔好好味，食得出係新鮮白鱔！正買單大概要$300一個人。我覺得食呢個質素呢個價錢算好抵食！整體而言，佢所有嘅食物都好高質素，無論係魚生，燒物，熱食，推介！有機會想試吓佢嘅午餐，價錢係晚餐嘅一半！