千両 (九龍酒店) (已結業)

今晚同老公再次嚟到我哋位於九龍酒店嘅飯堂——千両。第一次食晚市，無set menu，要叫a la carte。1️⃣ 日式海鮮茶壺湯$38第一次試，鄉下妹表示非常新奇得意😍，外型十分討好。湯好鮮甜，海鮮有蝦🦐，帶子同蜆，新鮮可口。2️⃣ 加州手卷$22我老公好鍾意，佢裡面有蟹柳、蟹籽同牛油果，味道鮮甜，紫菜好脆好好食😋。3️⃣ 三文魚腩壽司$22我同老公嘅至愛❤️！三文魚油超香，入口即化，真係感動味蕾👅！我一向浮誇嘅老公食到拍晒手掌👏🏽。（真叫人滴汗💧⋯⋯）4️⃣ 極上刺身拼盤$324如果我無數錯，佢一共有九款魚生，每款兩件。特別鍾意吞拿魚腩，肉質肥美，魚油味香。帶子同蝦都好鮮甜，口感彈牙。其他魚生都好新鮮清甜，正！再次要大力讚賞哩度嘅服務，💯分。